अछाम ः सिकाइ अध्ययनका लागि पूर्वका पश्चिम र पश्चिमका पूर्व तिर भ्रमण गर्ने कुरा नौलो होइन । एकअर्का पालिकाहरुले के कसरि काम गरिरहेका छन् भनेर अध्ययन भ्रमण गर्ने कुरा चलिआएको छ ।

त्यहि कार्य अन्तर्गत अछाम जिल्लाको बान्निगढ़ी गाउपालिकाको एक टोलि पनि भ्रमणको लागि निस्केको थियो । पालिका अध्यक्ष टेक बहादुर साउदको नेतृत्वमा एक टोलि अन्तरपालिका भ्रमणको उद्देश्य सहित स्थानिय तह अन्तर्गतका कामकारबाही बारे अनुभव साटासाट गर्न निस्किएको हो ।

गाउँ कार्यपालिकाको वैठकले निर्णय गरेर १० दिनको भ्रमणमा गाउँपालिकाका अध्यक्ष साउद, उपाध्यक्ष विन्दु रावल लगायत केही जनप्रतिनिधि, कृषिका कर्मचारी मात्रै भ्रमण रहेको पालिकाले जनाएको छ ।

भ्रमणका क्रममा बजेट बाँडफाँटको अवस्था, सुशासन, सेवा प्रवाह, न्यायिक सम्पादन, फोहरमैला व्यवस्थापन, कृषि क्षेत्रमा भएको प्रगतिको वारेमा अध्ययन अवलोकन हुँदै आएको गाउँपालिकाका अध्यक्ष टेकबहादुर साउदले जानकारी दिए ।

भ्रमणका क्रममा देखिएको विषयबस्तुलाई आगामि आर्थिक वर्ष २०८२/८३ नीति कार्यक्रम एवंम् वजेटमा समेटिने अध्यक्ष साउदको भनाई रहेको छ । त्यस्तै भ्रमणमा क्रममा अछामका पर्यटकिय एवं्म धार्मीक क्षेत्रका वारेमा जानकारी दिने काम पनि हुँदै आएको अध्यक्ष साउदको भनाई रहेको छ ।

भ्रमणको लागि १० लाख रुपैया लिएको भनेर मिडिया र सामाजिक सञ्जालमा आएको कुरामा सत्यता नभएको सूचना अधिकारी जोशीको भनाई रहेको छ । केही मिडिया र सामाजिक सञ्जालमा आएका टिकाटिप्पणीमा कुनै सत्यता नभई असत्य, झुठ भ्रामक र कपोकल्पित भएको उनले जानकारी दिए । भ्रमणको लागि टोलिले साढे दुई लाख रुपैया मात्रै पेस्की लिएको जानकारी सूचना अधिकारी जोशीले दिए ।

भ्रमणका कारण गाउँपालिकाको सेवा प्रवाहमा कुनै समस्या नरहेको समेत गाउँपालिका अध्यक्ष साउदको भनाई रहेको छ । गाउँपालिकाको सेवा प्रवाहको लागि प्रमुख प्रशासकीय अधिकृत, लेखा अधिकृत र प्राविधिक भ्रमणमा नरहेका जानकारी उनले दिए ।

जनताको भुक्तानी देखि सम्झौतामा कुनै समस्या नभएको उनको दावि छ । कृषि क्षेत्रमा केही नयाँ कार्य गर्नु पर्ने भएकाले कृषि क्षेत्रका कर्मचारी रहेको गाउँपालिकाले जानकारी दिएको छ ।