वेदप्रकाश तिमिल्सैना

बहुत बर्ष पछि गाउँ फिरेको मैले अचम्म लाग्ने कुरा देखिरहेको छु । हिजो कुइका पुगेको म आफन्त संग गफमा ब्यस्त भएपछि बिहान मस्त निन्द्रामा थिए ठुलो आवाजले झसङ्ग बिउझन बाध्य हुनुपर्यो । एक घण्टाको अवधिमा पन्ध्र पन्ध्र मिनेटमा ठुला ठुला अवाजले गर्दा सुत्न सकिएन ।

अनि मैले नित्यकर्म पछि आफ्न आफन्तलाई सोधे ठुला बिमानको जस्तो अवाज आयो अचम्म लाग्यो । मैले यति सोधे पछि उहाँहरुले मलाई मेरो जिज्ञासाको जवाफ दिनुभयो । तपाईं धेरै पछि आउनुभएको छ, यहाँको पछिल्लो अवस्थाका बारेमा त्यति जानकार हुनुहुन्न । यता विकासले धेरै फडको मारिसकेको छ ।

अझ कमलबजार विमान स्थाल अन्तर्रा्ष्ट्रिय स्थरको भएपछि पुर्वी अछाममा गजब भएको छ । उहाँले फेरि थप्नुभयो कमलबजारमा दिनमा सोह्र अन्तर्रा्ष्ट्रिय उडान र अवतरण हुन्छ । हरेक सिजनमा पर्यटको लर्को देखिन्छ ।

चाइरा देखि कुइकाको गाणमा माछा मार्ने देखि कर्णालीमा रयाफ्टिङ्ग गर्ने मध्यमा अधिकांस बिदेशी भेटिन्छन । भारतिय र आन्तरिक पर्यटकको उपस्थिति पनि बाक्ले रहेको ती आफ्न्त बाट जानकारी पाए ।

पछि गाउँमा अरुसंग पनि बुझे कमलबजारमा विकास खुब भएको थाहा पाए । खासगरी आन्तरिक उडान पहिले देखि हुने विमानस्थल अन्तर्रा्ष्ट्रिय भएपछि कलमबजार गुलजार देखिन्छ । अनि पुर्वी अछामको आकाशमा बोइङ र एअर बस कम्पनीको जहाज कम्ता रमाइलो देखिदैन । किनकी पुर्वी अछामको आकाशमा ठुला जहाज देखिनु आफैमा रमाइलो पनि अचम्म लाग्दो कुरा पनि हो ।

रातिको समय जहाज अवतरण भएको दृश्य पनि गजबको देखिन्छ । भारत, चीन, अमेरिका, जापन र खाडी देश हरुबाट कमलबजारमा जहाज नियमित आउने गरेको थाहा पाए पछि मेरो खुसिको सिमा रहेन ।

यस्तो कसरी सम्भाव भयो भन्ने पनि बुझ्न मन लाग्यो । मैले गाउघरका दाजुभाइ लाई सोधेँ पनि । यो सबै कमाल अछाम दुई नम्वरका प्रतिनिधि सभा र प्रदेश सभामा प्रतिनिधित्व गर्ने माननीय ज्युको मिहेनत भएको थाहा पाँए । आदरणीय माननीय ज्युहरुको ठुलो प्रयास बाट माथी माथिल्लो कर्णाली जलविद्युत आयोजनाको काम सम्पन्न भएर पनि आफ्नो क्षमता अनुसारको बिद्युत उत्पादन गरेको दृश्य सपना जस्तै लाग्ने ।

पुर्वी अछाममा खुलेको एक सय सैयाको अस्पताल बिकासको अर्को कोशेढुङ्गा भएको महसुस भयो । म बर्षौ अघि जिल्लामा पत्रकारितामा सक्रिय थिए । सक्रिय पत्रकारिता बाट टाढीएको धेरै बर्ष भैसकेको छ । मैले त्यस बखत अछामको पुर्वी क्षेत्रमा यस्तो विकासको कल्पना गरेको थिएन ।

साना ठुला सबै सडक कालोपत्रे गरिएको अवस्थामा छन । सामुदायिक बिध्यालयमा पढाइको स्थर पनि उच्च लेबलको पाइयो । यहाँका सामुदायिक बिध्यालय डाक्टर इन्जिनियर, पाइलट, कृषि विशेषज्ञ उत्पादन गर्ने कारखाना हुन भन्ने पनि सुनियो ।

हालै मात्र हाम्रा माननीय ज्युहरुको साझा प्रयासमा केबुलकारको सम्भाव्यता अध्यन भएको बुझ्न पाइयो । साथै केबुलकार निर्माणको थालनी भएको खबरले खुसी अनि चाडै केबुलकार चडेर रामारोशन जान पाउने कुरा उत्साहित पनि भए ।

बिकासका सबै क्षेत्रमा फड्को मारेको पुर्वी भागमा शहरीकरणमा पनि तिब्रता आएको छ । समग्रमा भन्दा अछाम जिल्लाको पुर्वी क्षेत्रले विकासका चमत्कार गरेको देख्ने अवसर पाइयो । जिम्मेवारीमा रहेको नेतृत्वले इमानदार प्रयास गरे पछि विकास गर्न सम्भाव रहेको अछामको पुर्वी क्षेत्रले प्रमाणित गरेको छ ।
……………………………………………………………………………………………………………………………………………………………………………………………………………………………… अप्रिल – १ , अप्रिल फुल ।

माथि उल्लेखित लेख अप्रिल फुलको अवसरमा लेखिएकोले नझुक्किनुहोला । यो कुरा अप्रिल फुलमा मात्र सिमित नरहि हुनुपर्ने विकासमा पूर्वी अछामले फट्को मारेको देख्न पाईयोस । त्यसमा तपाई हामी सबैको साथ हुनेछ । माथिका शव्द केवल अप्रिल फुल मा आधारित रहेर लेखमा सिमित छन् ।