“बिहिबार अछाम जिल्लामा ४० जनामा कोरोना पुष्टी“
अछाम । अछाम जिल्लामा कोरोना भाईरस कोभिड १९ को संक्रमण तिव्र रुपमा फैलिन थालेको छ । जिल्लामै पिसिआर प्रयोगशाला स्थापना भएपश्चिात परिक्षणको दायरा बढ्दा दिन दिनै संक्रमित थपिन लागेका छन् ।
सबै भन्दा बढी जिल्लाको सदरमुकाम रहेको मंगलसेन नगरपालिकामा कोरोनाको संक्रमण दर उच्च रहेको छ । मंगलसेनमा पछिल्लो एकसाता यता १०० बढी नयाँ संक्रमित थपिएका छन् । जिल्लमा आवतजावत बढ्नु र कोरोना प्रति सचेत नभई लापरवाही गर्नाले कोरोनाको संक्रमण दर बढी भएको सरोकारवालाको बुझाई छ ।
बिहिबार मात्रै जिल्लामा ४० जनामा कोरोना भाईरस कोभिड १९ को संक्रमण पुष्टी भएको छ । ९ महिला र ३१ पुरुष गरी ४० जना जिल्ला भित्रैका नागरिकमा कोरोना पुष्टी भएको कमलबजार पिसिआर प्रयोगशालाले जनाएको छ ।
प्रयोगशालाका सुचना अधिकारी टेक बहादुर बिष्टका अनुसार बिहिबार सबैभन्दम बढी मंगलसेन नगरपालिकामा कोरोना संक्रमित थपिएका छन् । उनका अनुसार मंगलसेनमा ८ महिला र १७ पुरुष गरी २५ जना, कमलबजार नगरपालिकामा ४ जना पुरुष, तुर्माखाँद गाँउपालिकामा ४ जना पुरुष, बान्नीगढी गाँउपालिकामा ३ जना पुरुष, चौरपाटी गाँउपालिकामा २ जना पुरुष, ढकारी गाँउपालिकाका १ जना पुरुष र रामारोशन गाँउपालिकामा १ जना महिलामा कोरोना संक्रमण पुष्टी भएको छ ।
यस्तै जिल्ला बाहिर घर भएर अछाम जिल्लामा कार्यरत रहेका अन्य ८ जना पुरुषमा समेत कोरोना पुष्टी भएको सुचना अधिकारी बिष्टले बताए ।
प्रतिक्रिया