‘कांग्रेसका महामन्त्री डाक्टर सशांक कोईरालाले उद्घाटन गर्ने‘

बुटवल । नेपाल जेसिजको ४७ औं राष्ट्रिय महाधिवेशन आज बुधबारबाट सुरु भएको छ । नेपाल जेसिजको आयोजना तथा भलवारी जेसिजको आथित्यतामा महाधिबेशन सुरु भएको हो ।

महाधिबेशनको नेपाली कांग्रेसका महामन्त्री डाक्टर सशांक कोईरालाले उद्घाटन गर्ने कार्यक्रम रहेको छ । बुधबार सुरू भएको राष्ट्रिय महाधिवेशन शनिबार सम्म चल्ने नेपाल जेसिजका राष्ट्रिय महासचिव जेसी टेकराज रेग्मीले बताए ।

नेपाल जेसिजले भलवारी जेसिजको आतिथ्य शाखा बर्ष २०२० का अध्यक्ष जेसी चिरञ्जीवी बस्यालको अध्यक्षतामा हुने महाधिवेशनले वर्ष २०२१ का लागि नयाँ नेतृत्व चयन गर्ने छ । बर्ष २०२१ का लागि अध्यक्ष पदमा ७ जनाको उम्मेद्धवारी परेको छ भने कार्यकारिणी उपाध्यक्ष र उपाध्इक्ष गरी ६७ जनाले उम्मेदवारी दर्ता गराएकोमा ८ जनाले फिर्ता लिएका छन् ।

नेपाल जेसिजका देशरभरीमा १५७ शाखा रहेको छन् । महाधिवेशनमा देशभरबाट करिब दुई हजार प्रतिनिधि भलवारीमा भेला हुने अनुमान गरिएको छ ।

जेसिजले युवाभित्र भएको प्रतिभालाई उजागर गर्दै सफल युवा नेतृत्व प्रदान गर्ने उद्देश्य लिएर काम गर्दै आएको छ ।