काठमाडौं । लियोनल मेस्सी लगातार पाँच सिजन ‘पीचीची ट्रफी’ जित्ने पहिलो खेलाडी बनेका छन् । बार्सिलोनाका कप्तान लियोनल मेस्सीले लगातार पाँचौं पटक र करिअरमा आठौं पटक ‘पीचीची ट्रफी’ जितेका हुन् । 

सिजनको अन्तिम खेल नखेलेका मेस्सीले ला लिगामा यो सिजन ३५ खेल खेल्दै ३० गोल गरेका थिए । दोस्रो स्थानमा रहेका करिम बेन्जिमा र ग्राड मोरेनोले समान २३–२३ गोल गरेका थिए । मेस्सीले सन् २०१६–०१७ को सिजनदेखि २०२०–०२१ को सिजनसम्म लगातार पाँच सिजन ‘पीचीची ट्रफी’ जितेका हुन् । 

मेस्सीले पहिलोपटक २००९–०१० को सिजन ‘पीचीची ट्रफी’ जितेका थिए । मेस्सीअघि हुगो सान्चेजले सन् १९८४–०८४ देखि १९८७–०८८ को सिजनसम्म लगातार चारपटक ‘पीचीची ट्रफी’ जितेका थिए । उनले एट्लेटिको मड्रिड र रियल मड्रिडमा रहेर यो ट्रफी जितेका थिए ।