अछाम । अछामका आशिष महर भ्वाईस अफ नेपाल सिजन ४ मा पुगेका छन् । जिल्लाको मेल्लेख गाँउपालिकाको दोगडा घर भएका महर डिजिटल अडिसन पार गरेर ब्लाईण्ड अडिशन दिन काठमाण्डौँ पुगेका थिए ।

ब्लाईण्डमा महरले रामचन्द्र काफ्लेको स्वरमा रहेको सुदूरपश्चिमको भाका हिमाल हिंउ पडिगयो बोलको गित गाएर चारै जना कोचलाई फर्काउन सफल भएका छन् । उनले टिम प्रमोदलाई छनोट गरेका छन् ।

डिजिटल अडिसनमा सफल भएपछि उनलाई भेट्न भ्वाईस अफ नेपालको टिम अछामको मेल्लेख आईपुगेको थियो ।ब्लाईण्डका लागि निम्तो दिएर टिम फर्किएको थियो ।

सिजन ४ को पहिलो श्रृंखलामा चारै जना कोचका कुर्सी घुमाउने उनि पहिलो र एक मात्र सहभागी हुन् । उनको प्रस्तुती देखेर चारै जना कोच पनि प्रभावित भएका थिए । ब्लाईण्डमा सफल भएका महरले अब ब्याटलमा प्रतिष्पर्धा गर्नुपर्नेछ ।

स्टेचमा चढ्दा आफुलाई यति राम्रो माहोल बन्छ भन्ने कल्पना पनि थिएन महर भन्छन् सबै दर्शक र चारै जना कोचको मन जितेकोमा खुशी व्यक्त गरेका छन्।

यस्तो छ महरको संर्घषको कथा ।

दुर्गम अछाम जिल्लामा सानै छदा देखि नै दुख पिडा भोगेर हुर्केका महर गितसंगितमा आफ्नो भबिष्य खोज्दैछन् । बालककै अवस्थामा आफ्ना बुवाको मृत्यु पछि महरको संर्घषको कथा झन पिडादायी बनेको थियो ।

उनका बुवाले गाँउकै मान्छेलाई आफ्नो कमाई खान दिएको जग्जा पछि फिर्ता लिन खोज्दा उनिहरले हड्प्न खोजेपछि झगडा हुदाँ उनका बुवाको मृत्यु भएको थियो । बुवासंगै महरकी आमालाई समेत उनिहरुले घाईते बनाएका थिए ।

त्यो बेलाको शारिरिक र मानसिक यातानाका कारण आफ्नी आमा प्रायजसो निराशामै देख्ने गरेको भन्दै महर भन्छन् अब आमाको मुहारमा खुशी ल्याउने प्रयत्न गर्नेछु ।

बुवाको मृत्यु पछि महरलाई उनकी आमाले नै हुर्काएकी थिईन् । सानै देखि संर्घष र पिडा बुझेका महरको यो पहिलो खुट्किलोको सफलताले आगामी दिनमा सकरात्मक भबिष्य तय गर्ने सम्भावना भने देखिएको छ ।