खेलकुद

साफ महिला च्याम्पियनसिप : नेपाल ६-० ले विजयी

काठमाडौं:नेपाल महिला साफ च्याम्पियनसिप फुटबलको सेमिफाइनलमा प्रवेश गरेको छ । घरेलु मैदानमा जारी छैटौं संस्करणको महिला साफ च्याम्पियनसिप फुटबलमा नेपाल सेमिफाइनल प्रवेश गरेको हो ।

सोमबार भएको समूह चरणको अन्तिम खेलमा नेपालले श्रीलंकालाई ६-० हराउँदै अन्तिम चारमा यात्रा पक्का गरेको हो । त्रिपुरेश्वरस्थित दशरथ रंगशालामा नेपाललाई जित दिलाउन अमिषा कार्कीले दुई गोल गरिन् । यस्तै कुमारी घिसिङ, सरु लिम्बु, अमृता जैशी र दिपा शाहीले एक एक गोल गरेका हुन् ।

खेलको नवौं मिनेटमा रश्मीले गोल गर्दै नेपाललाई सुरुआती अग्रता दिलाएकी थिइन् । ११औं मिनेटमा सरुले, १७ औं मिनेटमा अमृताले र पहिलो हाफको इन्जुरी समयमा दिपाले गोल गरेपछि नेपालले पहिलो हाफमा ४(० को अग्रता बनायो ।

७६औं मिनेटमा अमिषाले र दोस्रो हाफको पनि इन्जुरी समयमा अमिषाले नै दोस्रो गोल गरेपछि नेपालको पक्षमा सहज जित निस्किएको हो । जितसँगै समूह ुबीु को नेपालले ६ अंक जोडेको छ ।

प्रतिक्रिया दिनुहोस !

सम्बन्धित खबरहरु

नेपाल र यूएईबीचको तेस्रो तथा अन्तिम एक दिवसीय खेल आज
टेलिभिजनमा प्रशारण भएको त्यो पहिलो विश्वकप
टी–२० विश्व कप : आज पाकिस्तान र दक्षिण अफ्रिका खेल्दै
प्रधानमन्त्री कप क्रिकेट आजदेखि: उद्घाटन खेलमा एपीएफ र आर्मी भिड्दै