अछाम । गण्डकी प्रदेशको राजधानी पोखरामा हुने ९ औँ राष्ट्रिय खेलकुद प्रतियोगिताको लागि प्रदेश स्तरिय छनोट प्रतियोगिता चलिरहेका छन् । सबै प्रदेशमा अहिले धमाधम छनोटका खेलहरु भईरहेका छन् । त्यसै अन्र्तगत सुदूरपश्चिम प्रदेश स्तरिय छनोट प्रतियोगिता कैलालीको धनगढी, टिकापुर र कञ्चनपुरको महेन्द्रनगरमा भईहरका छन् ।

ओलम्पिक खेल सुटिगंको (१० मिटरको एयर राईफल) मा कैलाली र कञ्चनपुरबाट ३ महिला र ३ पुरुष गरी ६ जना छनोट भएका छन् । यस्तै पेस्तोलको शुटिंगमा पनि कैलाली र कञ्चनपुरका ३ जना पुरुष र ३ जना महिला खेलाडी छनोट भएका छन् । जसमा ७ जना कैलाली र ५ जना कंचनपुरबाट छनोट भएका छन् । उनिहरुले सुदुरपश्चिमबाट पोखरामा प्रतिष्पर्धा गर्नेछन् ।

छनोटका लागि कैलाली, कञ्चनपुर र डोटी बिच प्रतिष्पर्धा भएको थियो । प्रदेशको छनोटमा ३ जिल्ला बाट १६ जना पुरुष र १० जना महिला गरि २६ जनाको सहभागिता रहेको थियो ।

अछाम घर भएका जीवन बोहरा समेत एयर राईफलको १० मिटर शुटिंगमा प्रदेशबाट छनोट भएका छन् । २०६८ बाट शुटिंग खेल्न सुरु गरेका बोहरा दोश्रो पटक राष्ट्रिय छनोटमा परेका हुन् । ९ औ राष्ट्रिय खेलकुदको लागि भएको खेलमा बोहराले जिल्लामा पहिलो मेडल र प्रदेशमा दोश्रो मेडल हात पारेका छन् ।

सुरुमा बाँकेबाट खेल्न सुरु गरेका बोहराले यसअघि २०७३ मा बिराटनगरमा भएको राष्टिय खेलकुद प्रतियोगितामा सहभागीता जनाएका थिए । बोहरालाई शुटिंगको पहिलो नेपाली महिला ओल्मपियन खेलाडी पार्वती थापाले प्रशिक्षण दिएकी थिईन् । पाँचौँ र छैटौँमा प्रदेश स्तरीय खेलका बोहराले सातौँमा राष्टिय प्रतियोगितामा सहभागी भएका थिए ।