अछाम:  जिल्लाको तुर्माखाँद गाउँपालिका वडा नम्बर – ४ ले महिलाहरूलाई तीजका सामाग्री वितरण गरेको छ । हिन्दु नारीहरूको महान् चार्ड हरितालिका तीजको अवसरमा वडा नम्बर ४ मा विभिन्न समूहमा रहेका महिलाहरूलाई मौलिक बाजागाजा हस्तान्तरण गरिएको हो । 

पछिल्लो समय मौलिक गीत सङ्गीतलाई तोडमोड गरी अवाञ्छित खाले गीत सङ्गीतले बजार पाएको भन्दै वडाको पहलमा महिलाहरू लाई १५ थान मादल र १५ थान खैंचडी वितरण गरिएको वडा अध्यक्ष  पदम बहादुर बिसीले जानकारी दिए । 

आफ्नो मौलिक परम्परा,संस्कृति लोप हुँदै गएको प्रति चिन्ता व्यक्त गर्दै वडा अध्यक्ष बिसीले पछिल्लो युवा पुस्तामा मौलिकता प्रतिको जागरण  हराउनु दुखद भएको प्रतिक्रिया दिए । 

यही असोज १ गते तुर्माखाँदमा हुने हरितालिका तीज विशेष कार्यक्रममा महिलाहरूले आफ्नो मौलिकता प्रदर्शन गर्न पनि अध्यक्षले सुझाव दिएका छन् । 

तुर्माखाँद गाउँपालिकाको केन्द्र विन्दुमा रहेको तुर्माखाँद बजारमा हरितालिका तीज विशेष कार्यक्रमको आयोजना गरिएकाले मौलिक बाजागाजा र आफ्नै स्वरमा गीत गाएर नृत्य प्रदर्शन गर्ने महिला समूह लाई विशेष पुरस्कार प्रबन्ध गरेकाेे वडा अध्यक्ष बिसीले सुदूआजलाई जानकारी दिए ।