कमल बुढा, अछाम : दशै तिहारलाई मध्यनजर गर्दै जिल्लाको तुर्माखाँद गाउँपालिकाले बजार अनुगन थालेको छ । यस भन्दा अघि पनि पटक–पटक बजार अनुगमन गरेको पालिकाले सोमबार पनि बजार अनुगनम गरेको हो ।

चाड पर्वको समयमा बजार क्षेत्रमा म्याद नाघेका खाने कुराहरु पाईने, ब्यापारीहरुले मनपरी ढंगले सामानको मुल्य बढाउने र सरसफाई नभएको गुनासो आउन थालेपछि गाउँपालिकाले बजार अनुगमनलाई तिब्रता दिएको पालिकाका प्रमुख प्रशासकीइ अधिकृत लोक बहादुर शाहीले बताए ।

सोमबार तुर्माखाँद बजार क्षेत्रमा ४५ वटा पसलका १० वटा खाध्य तथा अन्य बस्तुको अनुगमन गरिएको र मूल्य शुचि र साईनबोर्ड नराखेको पसललाई ५ दिन भित्र राख्न र व्यावसाय दर्ता तथा नबिकरण नगरेकोलाई ७ दिन भित्र गर्न निर्देशन दिईएको शाहीले बताए ।

बहालमा रहेका व्यापारीलाई घर बहालको १५ प्रतिशत रकम गाउँपालिकामा बुझाउनु समेत सचेत गराइएको पालिकाका सुचना अधिकारी सज्जन बुढालेले जानकारी दिए ।

गाउँपालिकाको निरन्तर बजार अनुगमनको कारणले पहिलेको भन्दा धेरै सुधार आएका सुचना अधिकारी बुढाको भनाई छ । अहिले पनि केही पसलहरुमा म्याद नाघेका अखाद्य वस्तुहरु भेटिएकाले त्यस्ता सामानहरु जफत गरि नष्ट गरिएको, मुल्य सुची नाखेका पसलहरुलाई तत्काल मुल्य सुची राख्न अनुरोध गरिएको र नबिकरण नगरिएका पसलहरुलाई तत्काल नबिकरणको प्रकृया अगाडी बढाउन निर्देशन दिइएको गाउँपालिका स्टोर शाखा प्रमुख तपेन्द प्रसाद जैसीले बताए ।

म्याद नाघेका समानहरु झरना एण्ड जनरल स्टोरबाट बिष्कुट ३३ पाल्टा, सुजी २ पाकेट, चिसो फेन्टा ७ बोतल, तिल १० पिस, पापड २ पोका, टफी सानो ठुलो १५ पोका, चिउरा ६ पाकेट, मर्चा २ पाकेट, दिपक किराना पसल बाट सुन्तला टफी १ डिब्बा,अविषेक जनरल स्टोर चिउरा ६ पाकेट, कमल जनरल स्टोर सुजी २४ पोका सहित बिभिन्न पसलहरुबाट जम्मा ११ हजार बराबरको म्याद नाघेका सामानहरु नष्ट गरिएको छ । बजार अनुगमनलाई तिव्रता दिने पालिकाले जनाएको छ ।