अछाम ः बयालपाटा प्रादेशिक अस्पताल अछामले जिल्लाको साँफेबगर नगरपालिकाका ३ स्कुलमा मनोसामाजिक परार्मश तथा मानसिक स्वास्थ्य सम्बन्धी अभिमुखिकरण कार्यक्रम सम्पन्न गरेको छ । अस्पतालले महेन्द्र मावी बयालपाटा, जनकल्याण मावी मष्टामाण्डौँ र त्रिपुरा सुन्दरी मावी श्रकिोटमा मनोसामाजिक परार्मश तथा मानसिक स्वास्थ्य सम्बन्धी अभिमुखिकरण कार्यक्रम सम्पन्न गरेको हो ।

अस्पतालको आयोजनामा भएको अभिमुखिकरण कार्यक्रममा बिद्यालयका कक्षा ६ देखि १० सम्मका बिद्यार्थीहरुको सहभागीता रहेको थियो । बिद्यार्थीहरुमा देखा पर्नेसक्ने मनोसामाजिक तथा मानसिक स्वास्थ्यका बिषयमा अस्पतालका मेडिकल अधिकृतहरु डा. एञ्जिला कुँवर, डा. ललन कुमार चौधरी र डा. शरद रिजालले प्रस्तुती दिएका थिए । बिद्यार्थीहरुलाई मनोसामाजिक तथा मानसिक स्वास्थ्य भनेको के हो ? यस्तो हुदाँ के कस्ता लक्षण देखा पर्छन र लक्षण देखिएमा कहाँ कसरी उपचार गर्ने भन्ने बिषयमा जानकारी गराएका थिए ।

अुभिमुखिकरणमा सहभागी बिद्यार्थीहरले यसभन्दा पहिले आफुहरुले मनोसामाजिक तथा मानसिक स्वास्थ्यका बिषयमा जानकारी नभएपनि अबदेखि यसको बारेमा जानकारी प्राप्त भएको र केही भएमा खुलेर कुरा गर्न सकिने बताएका थिए । मनोसामाजिक तथा मानसिक स्वास्थ्यका बिषयमा राम्रो ज्ञान प्राप्त भएको उनिहरुले खुशी व्यक्त गरेका थिए ।

यस्तै बिद्यालयका प्रधानाध्यापकहरुले बिद्यार्थीहरुमा देखा पर्न सक्ने समस्यालाई न्युीनकरण गर्न बयालपाटा प्रादेशिक अस्पतालले कार्यक्रम सञ्चालन गर्दा बिद्यार्थीहरु आफ्नो स्वास्थ्य देखि सजग हुने र केही परिआए अस्पताल सम्म जानसक्ने भएको हुदाँ कार्यक्रम प्रभावकारी भएको बताए । आगामी दिनमा समेत अस्पतालले बिद्यालयहरु संग सहकार्य गर्दै स्वास्थ्यका अन्य बिषयहरुमा समेत कार्यक्रम गर्न उनिहरुको सुझाब थियो ।

मनोसामाजिक परार्मश तथा मानसिक स्वास्थ्यको उपचार बयालपाटा प्रादेशिक अस्पतालले निशुल्क रुपमा प्रदान गर्दै आईहरेको छ ।