३० फागुन, काठमाडाैँ । सरकारले कोरोनाको संक्रमणबाट जोगिनका निम्ति विभिन्न १९ वटा निर्णय गरेको छ । बिहीबार साँझ प्रधानमन्त्री तथा मन्त्रिपरिषद्को कार्यालय सिंहदरबारमा बसेको कोभिड–१९ सङ्क्रमण नियन्त्रण तथा रोकथाम उच्चस्तरीय समन्वय समितिको बैठकले श्रम स्वीकृत रोक्ने देखि नागरिकलाइ फिल्म हेर्न नजानु भन्नेसम्मको निर्देशन दिने निर्णय लिएको छ ।

उपप्रधान एवं रक्षामन्त्री इश्वर पोखरेलको अध्यक्षतामा बसेको बैठकले वैदेशिक रोजगारीका लागि दिइने श्रम स्वीकृति अनिश्चितकालसम्मका लागि स्थगित गरेको हो । त्यस्तै बैठकले अध्ययनका लागि विदेश जाने विद्यार्थीहरुलाई पनि ३० अप्रिल अगाडि नो अब्जेक्सन सर्टिफिकेट नदिने निर्णय सरकारले गरेको छ । यस्तै बैठकले फिल्म हल, सभा सम्मलेन लगायतका नाममा धेरै मान्छे जम्मा हुने भिडभाडमा नजान निर्देशन समेत दिएको छ ।

विश्व स्वास्थ्य स्वास्थ्य संगठन (डब्लूएचओ)ले कोरोना भाइरसलाई महामारीको घोषणा गरेपछि बिहीबार बसेको उच्चस्तरीय समन्वय समितिको बैठकले यस्तै प्रकारका १९ वटा निर्णय लिएको छ । सबै निर्णय तल पढ्न सक्नुहुन्छ । – दैनिकीबाट