प्रजातन्त्र, लोकतन्त्र, जनतन्त्र या होस् गणतन्त्र
निषेध हो निरंकुशतन्त्र, मनपरीतन्त्र अनि परतन्त्र,
सोझो भई उभिनसक्ने खोज्यौ साशनतन्त्र
पसिना र रगतको मूल्य बुझ्नै पर्ने मन्त्र ।
कालापानी चित्कार सुनौं धुरा, लिपु थर्काउने
धर्तिको छातिको घाउ किन अब लुकाउने,
हिमाल उच्च झुक्ने छैन कोही स्वार्थी झुके पनि
देशभक्तको छाती खुला कायर कोही लुके पनि ।
बलिदान शहीदको सन्देश आज हामी सबै बुझौं
त्यागी स्वार्थ कलुषित गौरव देशको रोजौं,
प्रजातन्त्र दिवसको दियो झलमलै बनोस
हकयुक्त नेपाली गौरव दुनियाँ सबले भनोस् ।
२०७६ साल फागुन ७ गते ७०औं प्रजातन्त्र दिवसको उपलक्ष्यमा रचित। – सैपाल न्यूजबाट
प्रतिक्रिया