अछाम २६ जेठ ।

रामारोशन गाउपालिका वडा नम्बर ५ मा क्वारेन्टाईन बसिरहेका युवा राति भागेर घर गएपछि घर परिवारलाई समेत क्वारेन्टाईनमा राखिएको छ ।

९ दिन अघि भारतबाट आएर क्वारेन्टाईन बसिरहेका हिजो राति घर गएपछि उनकि श्रीमति र छोरीलाई समेत क्वारेन्टाईनमा राखिएको रामारोशन गाउपालिका वडा नम्बर ५ का अध्यक्ष लक्ष्मण परियारले बताउनु भयो ।

९ दिनको अवधि पुरा गरि बसिरहेका युवा यसरी नियम उलघन गरी राति घर गएपछि अब आजबाट १ दिनबाट दिन सुरु हुने गरि क्वारेन्टाईन बस्नु पर्ने उहाले बताउनु भयो । वडाले स्वयमसेवक राखेको र युवालाई छलेर लुकेर घर भागेकाले यसरी क्वारेन्टाईनमा राखिएको वडा अध्यक्ष परियारले बताउनु भयो ।

अछामका अधिकाश गाउका क्वारेन्टाईनमा बसिरहेका ब्यक्ति क्वारेन्टाईनबाट भागेर जाने समस्या बढदै गईरहेको पाईएको छ । रातभर क्वारेन्टाईनमा बसेता पनि दिनभर माछा मार्न जाने, काफल खान जगलतिर भागेर जाने खबर सार्वजनिक भईरहेका छन ।