अछाम ।

जिल्लाको मेल्लेख गाउँपालिका वडा न ५ बिन्धेबासनिमा बिद्यालयको क्वारेन्टाइनमा राखेका २४ जनालाई घर पठाईएको छ । ७ दिन होम क्वारेन्टाइनमा बस्ने गरि उनिहरुलाई घर पठाएको गाँउपालिकाले जनाएको छ ।

बाहिर मुलुक भारत बाट आएका हरुलाई १४ दिन बिद्यालयको क्वारेन्टाइनमा राखिएको थियो । उनिहरको आरडिटि परिक्षणमा रिपोर्ट नेगेटिभ आएपछि घर पठाईएको हो । घरको एकान्त बास बस्ने गरी पठाईएको वडा अध्यक्ष रमेश खडकाले बताए । मेल्लेख गाउपालिकाका वडाहरुमा आर डि टि परिक्षणको दायरा बढाएईएको छ । भारतबाट आउनेको संख्या दिन प्रतिदिन बढिरहेकाले वडा बासिहरुले अझै सजक रहन वडा अध्यक्ष खडकाले आग्रह गरे ।

यस्तै मेल्लेख गाउपालिका वडा न ४ कुस्कोटको क्वारेन्टाइनमा रहेकाहरु श्रमदान बिकाश निर्माण कार्यमा लागेका छन । कुस्कोटको जनकल्याण आधरभुत बिद्यालयमा भत्केको घेरापर्खाल निर्माण कार्यमा सहयोग गरिरहेका छन् ।

बिद्यालयका प्रधानाध्यापक मोहोन नाइका अनुसार क्वारेन्टाइनमा रहेका डम्बर साउद र रंग साउदको नेतृत्वमा घेरा पर्खाल निर्माण भईरहेको बताए ।

यस्तै सरस्वती निम्न माध्यमिक बिद्यालयको क्वारेन्टाइनमा रहेका १२ जनाको समुहले कुष्कोट राँफाको बिद्यालय जोडने सडक मर्मत गरेका छन् । जसले गर्दा क्वारेन्टाइनमा रहेकाहरुलाई गडि मार्फत खाद्यान्न सो बिद्यालयमा पु¥याउनमा सहयोग भएको वडा सदस्य नैनसिंह सार्कीले जानकारी दिए ।