अछाम । सुर्खेतमा विभिन्न कारणले बसोवास गर्ने अछामीहरुको साझा संस्था अछामी कल्याण समाज सुर्खेत लकडाउनमा क्रियाशिल रहेको छ ।

संस्थाले कोरोना भाईरसले निम्त्याएको संकटका बेलामा विभिन्न संस्था र व्यक्तीसंग समन्वय गरी लकडाउनका वेला भारत लगायत नेपालका विभिन्न स्थानबाट सुर्खेत हुदै अछाम जाने मानिसहरुलाई खाना, पानी र खाजाको व्यावस्था लगायतका काम गर्दे आईरहेको छ ।

नेकपा अछामका नेता बमबहादुर बिसीको समन्वयमा स्थापित भएको संस्थाले अछामबाट आएर सुर्खेतमा विभन्न पेशा व्यावसायमा संलग्नलाई लकडाउनले पारेको अप्ठ्यारोमा सहयोग गर्दै आईरहेको संस्थाका अध्यक्ष मीनबहादुर शाहीले बताए ।

सुर्खेतमा बस्ने विद्यार्थी र मजदुरहरुलाई दाल, चामल, नुन र तेल जस्ता खाद्य समेत संस्थाले वितरण गरिरहेको अध्यक्ष शाहीले जानकारी दिए ।

अहिलेको संकटको बेला कोपिला भ्याली सेवा समाज सुर्खेत, अछामी कल्याण समाज सुर्खेत, पञ्चदेवल फाउण्डेशन नेपाल, विभिन्न बैंक, सरकारी कार्यालय, शिक्षण संस्थामा नौकरी तथा प्राध्यापनमा संलग्न भएका र अछामबाट सुर्खेतमा आएर व्यापार, होटल व्यावसाय, समाज सेवा र राजनीति आदि सबै क्षेत्रमा संलग्न सबैलाई अप्ठेरोमा गरेको सहयोग प्रति नेता बिसीले धन्यवाद व्यक्त गरेका छन् ।