दार्चुला- अविरल वर्षासँगै आएको पहिरोमा पुरिएर दार्चुलामा दुई जनाको मृत्यु भएको छ भने एक जना घाईते भएका छन् ।

मृतक नौगाड गाउँपालिका-६, परिगाउँकी ४२ वर्षीया मानमती ठगुन्ना र मोहना ठगुन्नाकी पाँच वर्षीया छाेरी पार्वती ठगुन्ना रहेको जिल्ला प्रहरी कार्यालाय दार्चुलाका प्रहरी निरीक्षक सुरेन्द्र जोशीले बताए ।

पहिरोमा परेर २२ वर्षीय मोहना ठगुन्ना घाईते भएक छन् । उनलाई उपचारका लागि अस्पताल पठाईएको प्रहरी निरीक्षक जोशीले बताए ।

पहिरोले स्थानियका तीन वटा घर, विद्यालय, २८ बाख्रासहित बाख्रा फर्म, तीन वटा पानी घट्ट र खेतवारी समेत बगाएको प्रहरी निरीक्षक जोशीले बताए ।

अहिले पनि सो ठाउँका पाँच घर पहिरोको उच्च जोखीममा रहेको बताइएको छ । पहिरोले नौगाड गाउँपालिकाको वडा नम्बर १, २, ३ लगायतको बस्तीमा समेत क्षती पुगेको गाउँपालिका अध्यक्ष प्रेमसिंह धामीले बताए ।