अछाम – संबिधान दिवसको अवसरमा नेपाल विद्यार्थी संघ अछामले साँफेबगरमा दिप प्रजलवन गरेको छ ।

संघीय लोकतान्त्रिक गणतन्त्रको पहिलो संविधान जारी भएको ५ बर्ष पुरा भएको खुसियालीमा नेविसंघ अछामले पनि साँफेबगरमा दिप प्रज्वलन गरेको नेविसंघ नेता उमेश कुँवरले बताए।

देशभर दिप प्रज्वलन गरेर दिपावली गरी संविधान दिवस मनाइरहँदा नेविसंघले पनि दिप प्रज्वलन गरेर संविधान दिवस मनाएको कुँवरले बताए । कांग्रेसको सरकारका पालामा संबिधान निर्माण संगै जारी भएको थियो।

प्रजवलन कार्यक्रममा कांग्रेस अछामका सभापति भरत कुमार स्वाँर लगायतका नेता कार्यकर्ताहरुको सहभागिता रहेको कांग्रेस साँफेबगर नगर सचिव कृष्ण कुवँरले सुदुरआजलाई जानकारी दिए।