कालिकोटको नरहरिनाथ गाउँपालिकामा रहेको नन्दादेवी बहुमुखी क्याम्पस संचालन समितिको अध्यक्षमा नन्दादेवी बहुमुखी क्याम्पसमा अध्ययनरत विद्यार्थी नै रहेको पाइएको छ ।

बहुमुखी क्याम्पस संचालक समितिको अध्यक्षमा सोही विद्यालयमा अध्ययनरत विद्यार्थी नै हुन नपाउने प्रावधान रहेपछि विगतदेखि नै क्याम्पसमा अध्ययनरत विद्यार्थी नै संचालक समितिको अध्यक्ष भएर क्याम्पस संचालन भइरहेको छ ।

विगत ७ वर्षदेखि नन्दादेवी बहुमुखी क्याम्पसको संचालनक समितिको अध्यक्षमा क्याम्पसका विद्यार्थी अग्रबहादुर विष्ट ९सुनिल० नै रहेका छन् । क्याम्पसमा अध्ययनरत विद्यार्थी नै संचालक समितिको अध्यक्ष पदमा रहेर काम गर्दै आइरहेको नरहरिनथा गाउँपालिका स्थानीय नागरिकले बताएका छन् ।

सोही क्याम्पसमा अध्ययनरत विद्यार्थीले संचालक समितिको अध्यक्ष हुन नपाउने भएपनि नरहरिनाथ गाउँपालिका–१ निवासी अग्रबहादुर विष्ट ‘सुनिल’ ७ वर्षदेखि आफू अध्ययनरत बहुमुखी क्याम्पसको अध्यक्ष पदमा रहेर काम गर्दै आइरहेका हुन् ।

यसरी एकै व्यक्ति विना प्रतिसपर्दा संचालनक समितिको अध्यक्ष भइरहेको भन्दै स्थानीय नागरिकले गुनासो गरेका छन् । क्याम्पस स्थापनाकालदेखि नै अग्रबहादुर विष्ट संचालक समितिको अध्यक्ष बनेका छन् । अध्यक्ष बन्नु भन्दा पहिले उनी क्याम्पसको विद्यार्थी नभएपनि अध्यक्ष बनिसकेपछि अहिले क्याम्पसका विद्यार्थी हुन् । उनी अहिले विएड तेस्रो बर्षमा अध्ययनरत रहेका छन् ।

क्याम्पसको स्थापना कालमा उनी संचालक समितिको अध्यक्ष भएपनि क्याम्पसका विद्यार्थी भइसकेपछि राजीनामा दिनुपर्ने जानकारवाला बताउँछन् । विष्ट अध्यक्ष भएदेखि नन्दादेवी बहुमुखी क्याम्पसको साधारणसभा समेत हुन नसकेको नागरिकले बताएका छन् ।

त्यतिमात्र होइन क्याम्पस संचालक समितिको नियमित बस्नुपर्ने बैठक समेत बस्न नसकेको क्याम्पस संचालक समितिका सदस्य निर्मल कुमार विष्टले बताए । उनका अनुसार, संचालक समितिको अध्यक्ष हुन अभिभावक हुनुपर्छ ।

तर, विद्यार्थीले नै बहुमुखी क्याम्पसको संचालन गरिरहेका छन् । अग्रबहादुर विष्ट २०७४ सालमा भएको स्थानीय तह निर्वाचनमा पूर्व माओवादी केन्द्रबाट गाउँपालिका अध्यक्ष पदका उम्मेदवार समेत हुन् । कालिकोटबाट हस्त चौलागाँईले खबर पठाएका छन ।