संस्थाका सदस्य संक्रमित भए २ हजार, अस्पताल भर्ना भए १० हजार उपचार खर्च
अछाम । छिमेक लघु बित्त बित्तिय संस्था लिमिटेड शाखा कायालय साँफेबगरले ईलाका प्रहरी कार्यालय साँफेबगरलाई स्वास्थ्य सुरक्षाका सामाग्री प्रदान गरेको छ ।
अहिलेको कोरोना महामारीको परिस्थितीलाई मध्यनजर गर्दै देश र जनताको सुरक्षामा खटिएका सुरक्षाकर्मीलाई स्वास्थ्य सुरक्षाका सामाग्री प्रदान गरिएको बित्तिय संस्थाले जनाएको छ ।
सुरक्षामा खटिदाँ स्वास्थ्य मापदण्ड पालना गर्न सहजहोस् भन्ने हेतुले सामाग्री बितरण गरिएको शाखा प्रबन्धक देबेन्द्र थापाले बताए । निटाईजर, ७ थान, मास्क १० प्याकेट, डिटोल साबुन २ दर्जन, ग्लोब्स ५ प्याकेट ईलाका प्रहरीलाई प्रदान गरिएको थापाले बताए ।
बित्तिय संस्थाले संस्थामा आवद्ध भएका सदस्यहरु कोरोना संक्रमित भएको खण्डमा फलफलु र खाजाका लागि भनेर प्रति व्यक्ती २ हजार रुपयाँ समेत दिने गरेको उनको भनाई छ ।
यस्तै संक्रमित भएर अस्पताल भर्ना हुनु परेको खण्डमा प्रतिव्यक्ती १० हजार उपचार खर्च समेत संस्थाले व्यहोर्ने थापाले बताए । संस्थाले आगामी दिनमा नगरपालिका र अस्पतालमा समेत स्वास्थ्य सुरक्षाका सामाग्री बितरण गर्ने योजना बनाएको थापाले सुदूरआजलाई जानकारी दिए ।
![](https://i0.wp.com/sudooraaja.com/wp-content/uploads/2021/05/Ximek.jpg?resize=720%2C405&ssl=1)
प्रतिक्रिया