अछाम । जिल्लाको बयालपाटा अस्पतालका चिकित्सक तथा स्वास्थ्यकर्मीले बाँकेको भेरी अस्पतालमा भएको घट्ना प्रति दुख व्यक्त गरेका छन् । उनिहरुले चिकित्सक र नर्सहरुमाथि भएको आक्रमण गम्भिर ध्यानाकर्षण भएको जनाएका छन् ।
शुक्रबार एक प्रेस विज्ञप्ती जारी गर्दै अस्पतालका कर्मचारीले बाँकेमा भएको घट्नाले दुर्गम क्षेत्रमा रहेर काम गर्ने हामी स्वास्थ्यकर्मीको नोबल कम्जोर बनाएको उल्लेख गरेका छन् ।
अहिलेको परिस्थितीमा चिकित्सक र स्वास्थ्यकर्मीलाई हौसल्ला प्रदान गर्नुको सट्टा कार्यस्थलमै स्वास्थ्यकर्मी माथी सांघातिक हमला हुने खालका क्रियाकलाप दिनानुदिन हुदैँ जानुले हामीलाई दुखी तुल्याएको छ विज्ञप्तीमा भनिएको छ ।
आफ्नो घरपरिवार भन्दा बिरामीको सेवालाई केन्द्रमा राखेर बिगत लामो समय देखि चिकित्सक तथा स्वास्थ्यकर्मीहरुले आफ्नो पेशागत धर्म निर्वाह गर्दै संक्रमणको रोकथाम, नियन्त्रण र उपचारमा क्रियाशिल रहेका बेला हौसल्ला प्रदान गर्नुको साटो सांघातिक हमला हुनु निन्दनीय भएको विज्ञप्ती मार्फत उल्लेख गरिएको छ ।
आगामी दिनमा यस्ता प्रकार घट्ना दोहोरिन नदिन सबै सरोकारवाला पक्षलाई आग्रह गर्दै भेरी अस्पतालमा भएको घट्नाको निष्पक्ष छानबिन गरी दोषीलाई कडा कारबाहीका लागि बयालपाटा अस्पतालका स्वास्थ्यकर्मीले जोडदार माग गरेका छन् ।
![No description available.](https://scontent.fktm1-2.fna.fbcdn.net/v/t1.15752-9/189146681_796606817917519_5891003574476771221_n.png?_nc_cat=111&ccb=1-3&_nc_sid=ae9488&_nc_eui2=AeF9bELhFIarOu_GjBwbA6GbnRsiID_cAZadGyIgP9wBlrNloxouUIXKDSSB_cZtX0zP4mvVvjyLOjxwtcq7BCM3&_nc_ohc=nFqfIVEZTQQAX_1_LUd&_nc_ht=scontent.fktm1-2.fna&oh=bdf56f452377456c0297c1719a0ea8a2&oe=60D769E0)
प्रतिक्रिया