अछाम : मेल्लेख गाँउपालिकाले आर्थिक वर्ष २०७८/७९ को वार्षिक निती तथा कार्याक्रम सार्वजनिक गरेको छ । गाँउपालिकाले ८ औ गाउ सभा मार्फत सार्वजनिक भएको निती तथा कार्यक्रममा आर्थिक विकास तथा गरिवि निवारण, जनताको जीवनस्तर उकास्ने, आमदानी र रोजगारी बढ्ने विषयहरु लाई वढी प्राथमिकता दिएको छ

गाँउपालिकाको वजेटमा महिला, वालवालिका, पिछडिएको क्षेत्रलाई लाभपुग्ने, स्थानिय स्रोत साधन र सिपको जती सक्दो वढी प्रयोग हुने कार्यक्रमलाई प्राथमिकतादिईएको छ । यस्तै ग्रामिण उद्योग,सडक, विद्युत, खानेपानीलगाएतको आवस्यकपुर्वाधार निमार्णलाई विषेश प्रथमिकतामा राखिएको छ ।

मेल्लेख गाँउपालिका उपाध्यक्ष धन वहादुर शाहीले आर्थिक वर्ष २०७८/०७९ को ४५ करोड ७२ लाख ८३ हजारको आय तथा ५० करोड ९३ लाख७३ हजार ७ सय ६० रुपैया व्यायको बजेट प्रस्तुत गरे । कार्यक्रममा गाउपालिका अध्यक्ष लोक वहादुर वोहराले पालिका वासीले उपचारको अभावमा कुनै पनी नगारिकले ज्यान गुमाउनु नपर्ने स्थिती सिर्जना गर्न स्वास्थ्य क्षेत्रलाई बढी प्राथमिकतामा राखिएको वताए ।

पालिकाको सबैजसो टोलमा खानेपानी विद्युत र सडक विस्तारको काम भएके बताउदै अध्यक्ष वोहराले छुटेका टोल वस्तीलाई लक्षित गरेर आफ्नै कार्यकालमा वाकि कार्यक्रम सम्पन्नगर्ने दावि गरे । संघीय सरकार र प्रदेश सरकारको वजेट संगै गाँउपालिको वजेटवाट बहुबर्षिय आयोजनाको रुपमा आफ्नै कार्यकालमा साँफे हुदै मेल्लेख गाँउपालिका जोड्ने सडक लाई पिचको काम तत्काल सुरु गरिने उनले बथाए ।

८ औ गाउसभा कार्यक्रममा प्रमुखअथिती र्पुव जिल्ला विकास समितीका सभापती कृष्ण प्रसाद जैशीले जनप्रतिनिधीको कार्यकाल सकिदै गर्दा आफुलाई सन्तुष्ट हुनेगरि काम गर्नु पर्ने वताए । मेल्लेखमा अन्य पालिकाको तुलनामा राम्रो काम भएको वताउदै जैसीले चुनावताका बेला जनता लाई भोट माग्दा गरेको वाचा अनुसार कुनै गाँउटोल छुटेको भए यो वर्षको वजेटमा समेट्न पनी सुझाव दिए ।

कार्यक्रममा नेकपा एमालेका प्रेमवहादुर महर, नेपाली कांग्रेसका पदम खड्का, माओवादी केन्द्रका विरवहादुर साउद, पत्रकार महासंघ अछामका अध्यक्ष खम्मखत्री, उद्योग वाणिज्य महासंघका नरेन्द्र खड्काले शुभकामना मन्तव्य राखेका थिए । गाँउपालिका अध्यक्ष लोकवहादुर वोहरोको अध्यक्षतामा भएको कार्यक्रममा ८ वटै वडाका वडा अध्यक्ष कार्यपालिका सदस्य वडा सदस्य, गाउपालिका कर्मचारीहरुको सहभागिता रहेको खथियो ।

कार्यक्रममा स्वागत मन्तव्य कार्यपालिका सदस्य कमलदेवि ताम्रकारले राखेका थिए भने कार्यक्रमको सञ्चालन प्रमुख प्रशासकिय अधिकृत दिर्घ वहादुर खड्काले गरेका थिए ।