काठमाडौँ- भारतीय प्रधानमन्त्री नरेन्द्र मोदीले कोरोना भाइरसविरुद्ध एकजुट भएर सशक्त रणनीति बनाउन सार्क देशका उच्च नेतृत्वलाई प्रस्ताव राखेका छन्। उनले सार्कका सदस्य राष्ट्रका प्रमुखहरुले भिडियो कन्फ्रेसिङमार्फत यस क्षेत्रका नागरिकहरुलाई स्वस्थ राख्न उपायहरुबारे छलफल गर्न सकिने प्रस्ताव पनि ट्विटमा उल्लेख गरेका छन्।

सार्क सदस्य राष्ट्रहरुले भाइरसविरुद्ध लडेर विश्वलाई नै उदाहरण देखाउन सक्ने मोदीले ट्विटमा उल्लेख गरेका छन्। उनले ट्विटमा दक्षिण एसिया क्षेत्रले कोरोना भाइरसको महामारीसँग जुध्न हरसम्भव उपाय अपनाउनुपर्ने बताएका छन्।