मंगलसेन नगरपालिकाले अत्याआवश्यक सेवा बाहेक अन्य सबै सेवा बन्द गर्ने भएको छ । आज एक सुचना जारी गर्दे नगरपालिकाको स्वास्थ,सरसफाई र दमकल सेवा बाहेक सबै सेवा अर्को सुचना जारी नहुदासम्म बन्द गर्ने निर्णय भएको जानकारी दिएको छ ।

नगपालिकाले अतिआवश्यक काम बाहेक नगरबासिलाई घर बाहिर ननिस्कन पनी आग्रह गरेको छ ।

यस्तै चौरपाटी गाँउपालिकाले पनि अति आवश्यक काम बाहेक घरवाहिर ननिस्कन चौरपाटी गाउँपालिकाको आग्रह गरेको छ ।

चौरपाटी गाउँपालिकाका अध्यक्ष हर्कबहादुर साउदद्घारा जारी गरिएको अपिलमा विश्वव्यापी महामारीको रुपमा फैलिएको कोरोना भाईरस ९कोभिड–१९० को जोखिमबाट बच्न अति अतिआवश्यक काम बाहेक घर बाहिर ननिस्कन आग्रह गरिएको छ ।

प्रेस विज्ञप्तिमा कोराना भाईरसको जोखिमलाई कम गर्नको लागि गाउँपालिकाले सम्पूर्ण तयारी गरिएको उल्लेख गरिएको छ । गाउँपालिकाका अध्यक्ष साउदद्धारा जारि गरिएको प्रेस विज्ञप्तिमा कोरोन भाईरस वारेमा आत्तिनु पर्ने अवस्था नरहे पनि सावधानि अपनाउनु पर्नेमा जोड दिएको छ ।

यो रोगबाट बच्न मास्कको प्रयोग, साबुन पानीले नियमित रूपमा हात धुने नै सबैभन्दा राम्रो रोकथाम र नियन्त्रणको विधि भएको विज्ञप्तिमा उल्लेख छ । कोरोना भाईरसका रोगका चिह्न र लक्षण देखिना साथ तुरुन्त स्वास्थ्य संस्थामा जाँच गर्न विज्ञप्तिमा भनिएको छ ।

कोरोना प्रभावित क्षेत्रबाट घर पर्किएका गाउँपालिकाका आम नागरिक तथा अन्य पाहुनासँग तुरुन्त सम्पर्क स्थापति नगर्न, सजक तथा सचेत रहन सवैमा गाउँपालिकाका अध्यक्ष साउदले अपिल गर्नुभएको छ ।