अछामको साफेवगर नगरपालिकाले चैत्र ११ गतेवाट आकस्मिक वाहेकका सबै सेवा बन्द गर्ने निर्णय गरेको छ ।

कोरोना भाइरसले विश्व आक्रान्त भएको बेला स्वास्थ्य तथा सरसफाइ सेवा बाहेक कार्यालयले प्रदान गर्ने सबै सेवा २१ गते सम्मको लागि बन्द गरिएको प्रमुख प्रशासकीय अधिकृत लक्ष्मीप्रसाद शर्माले जानकारी दिनुभयो ।

कोरोना प्रभावित मुलुक भारतवाट थुप्रै अछामी भित्रीरहेकाले अछामको साफेवगर निकै जोखिममा रहेकोले नगरपालिकाको कार्यालयले कामकाज रोकेको हो ।

नगरपालिकाले विज्ञप्ती जारी गर्दै धेरै भिडभाड नगर्न तथा सजकता अपनाउन आग्रह गरेको छ । साथै कोरोना संक्रमण हुनवाट बच्ने उपायहरु अपनाउन, लक्षणहरु देखिएमा स्वास्थ्य संस्थामा सम्पर्क गर्नपनि नगरपालिकाले अनुरोध गरेको छ ।