पूर्ण बहादुर खड्का, १ बैशाख, अछाम

बयालपाटा अस्पताललाई बिभिन्न क्षेत्रबाट सहयोग आउनेक्रम जारी रहेको छ । आज नयाँ बर्ष २०७७ को अवसर पारी अछाम सुनचाँदी व्यावसायि संघ अछामले कोरोना भाईरस (कोभिड १९) बिरुद्ध लड्न सहयोग पुगोस भनेर आर्थिक सहयोग गरेको छ ।

कोरोना भाईरस संग जुध्न व्यक्तीगत सुरक्षाका सामाग्री, औषधी र उपकरणको व्यावस्थापनका लागि सहयोग पुगोस भन्ने हेतुले १० हजार आर्थिक सहयोग गरेको अछाम सुनचाँदी व्यावसायि संघका अध्यक्ष दिपक कुमार सुनारले बताउनु भयो ।

बिश्वमै नै महामारीको रुपमा फैलिएको कोरोना भाईरस (कोभिड १९) को संक्रमण फैलिन र भित्रिन नदिनु का साथै रोकथामका लागि बयालपाटा अस्पताललाई सहयोग खाँचो रहको बेला अछाम सुनचाँदी व्यावसायि संघले सहयोग गरेकोमा बयालपाटा अस्पतालका स्वास्थ्य सेवा निर्देशक डाक्टर बिकाश गौचनले बताउनु भयो ।

यस्तै परोपकारी मनहरुको सहयोगले अस्पतालाई सहयोग हुने डाक्टर गौचनको भनाई छ । संघका अध्यक्ष दिपक कुमार सुनार र सचिव किशोर सुनारले १० हजार रकम आजै डाक्टर गौचनलाई हस्तान्त्ररण गरेका थिए ।