काठमाडौं । नेपाल विद्यार्थी संघले मंगलबार ७७ वटै जिल्ला प्रशासन कार्यालयमा ज्ञापनपत्र बुझाएको छ । 

नेविसंघले लिपुलेकमा भारतद्वारा सडक निर्माण, नेविसंघ प्रदर्शनका क्रममा भएको धरपकड तथा गिरफ्तारी र सन् २०१५ मा भारत–चीनबीच भएको सम्झौता खारेजीको माग राख्दै मंगलबार ७७ वटै जिल्ला प्रशासन कार्यालयमा ज्ञापनपत्र बुझाएको हो । 

अध्यक्ष ढुंगानाले ७७ वटै जिल्लाले केन्द्रको परिपत्रअनुसार प्रशासन कार्यालयहरूमा ज्ञापनपत्र बुझाएको जानकारी दिए ।

लिपुलेकलगायतका नेपाली भूमिमा भारतले गरेको अतिक्रमणको विरोधका क्रममा अध्यक्ष ढुंगाानसहितका १०० नेविसंघ नेता–कार्यकर्तालाई सोमबार दिउँसो नियन्त्रणमा लिएको थियो । उनीहरूलाई सोमबार राति ८ बजे रिहा गरेको थियो । 

यसअघि गत शुक्रबार भारतले नेपाली भूमि लिपुलेक हुँदै मानसरोवर जाने सडकको उद्घाटन गरेपछि देशभर त्यसको विरोध भइरहेको छ ।