अछाम ।

नेपाल कम्यूनिष्ट पार्टी नेकपाका नेता स्थायी कमिटी सदस्य डा. भिम रावलले सुदूरपश्चिम प्रदेशका विभिन्न जिल्लामा बाढी, पहिरो र डुबानले पुर्याएको क्षति प्रति दुख व्यक्त गरेका छन् ।

बिहिबार एक प्रेस व्यक्तव्य जारी गर्दै नेकपाका प्रभावशाली नेता डा. रावलले प्राकृतिक बिपद्मा ज्यान गुमाउने प्रति श्रद्धाञ्जली सहित शोकसन्तप्त पविारमा समबेदना प्रकट गरेका हुन् ।

पूर्व उपप्रधान एवं गृह मन्त्री समेत रहेका नेता डा. रावलले विज्ञप्ती मार्फत बिपद्मा परेकालाई उद्धार गर्न र राहत पुर्याउन सक्रिय पार्टी, स्थानिय प्रशासन, र सुरक्षाकर्मीलाई धन्यवाद ज्ञापन गरेका छन् ।

नेता रावलले पिडितलाई राहत, बिस्तापतिलाई बासको व्यावस्था र क्षतिग्रस्त पुल, बिद्युत लगायतका भौतिक आयोजनाको पुनःनिर्माणका लागि सम्बन्धीत निकायलाई आग्रह गरेका छन् ।

यस्तै कठिनको परिस्थितीमा जनतालाई कोरोनाको संक्रमणबाट जोगाउन तथा संक्रमितको उपचारमा बिशेष ध्यान दिन पनि नेता रावलको आग्रह छ ।