अछाम । जिल्लाको बान्नीगढी जयगढ गाउँपालिका ६ दर्नामा रहेको पञ्चदेवल युवा सुचना केन्द्र को व्यावस्थापनका लागि आवश्यक सामाग्री प्रदान गरिएको छ । मालिका बिकास संघ सुसासन परियोजनाको आर्थिक सहयोगमा करिब २ लाख बराबरको सामाग्री प्रदान गरिएको हो ।

सामाग्रीमा ल्यापटप एक थान, समार्ट टिभी एक थान, प्रोजेक्टर एक थान, हार्डिक्स एकथान लगायतका गरी दुइलाख बराबरको सामाग्री हस्तान्तरण सुचना केन्द्रलाई प्रदान गरिएको हो ।

मालिका बिकास संघका उपाध्यक्ष राधा रावल लगायतका पदाधिकारीले सुचना केन्द्रको कार्यलयमै पुगी वडा अध्यक्ष कृष्णबहादुर कडायत र युवा क्लबका अध्यक्ष खेमराज ओझा लाई सामाग्री हस्तान्तरण गरेका थिए ।

सुचना केन्द्रले जिल्लामा प्रशंसा गर्न लायक काम गरिरहेको भन्दै मालिका बिकास संघका सचिव ज्ञानेन्द्र रावलले आगामी दिनमा समेत अग्रसर हुन आग्रह गरेका थिए ।

विभिन्न सहयोगी संथाको सहयोगमा स्थापना भएको सुचना केन्द्रलाई थप आवश्यक सामाग्री प्राप्त भएपछि युवाहरुलाई एकताबद्ध गर्दै सुचना प्रवाह गर्ने कार्यक्रममा सहज हुने र सामाग्री को उचित सदुपयोग हुने अध्यक्ष खेमराज ओझाले बताए ।