अछाम ।

रामारोशन गाउँपालिकाका बाढी पिडितहरुलाई गगन चन्द्रा भक्त ठकुल्ला समाजले घर बनाई दिने भएको छ ।

समाजले तत्कालका लागि ५ वटा घर बनाईदिने समाजका अध्यक्ष भक्त ठकुल्लाले बताए । बाढीले गर्दा घर पुरै भत्किएर हाल सडकको बास भएकाहरुलाई घर लगाईदिने अध्यक्ष ठकुल्लाले बताए ।

गाउँपालिकासंग समन्वय भईरहेको र जग्गा उपलब्ध भएपछि घर लगाउने योजना रहेको उनको भनाई थियो ।

समाजका अध्यक्ष ठकुल्लाले भने गाउँपालिका अध्यक्षसंग यस बिषयमा कुरा भएको छ, स्थानिय निकायले जग्गा उपलब्ध गराएमा निर्माणको कार्य अगाडी बढाईने छ ।

गएको भदौ २ गते कैलाश खोलामा आएको बाढीले रामारोशनको सैनीबजारका १७ जना बेपत्ता भएका थिए जसमा ८ जनाको मात्रै शब फेला परेको छ ।

अझै ९ जना बेपत्ता छन् । बाढीले रामारोशन क्षेत्रमा ठुलो धनजनको क्षति गरेको थियो ।