विकास र समृद्धी गठबन्धनको लक्ष्य हो, जितमा कुनै संका छैन : पोलिटब्युरो सदस्य भण्डारी

अछाम । नेकपा माओवादी केन्द्रका पोलिटब्युरो सदस्य शरद सिंह भण्डारीले क्षेत्र नं. २ का जनता गठबन्धनको पक्षमा रहेको बताएका छन् । जिल्लाका जनताले विकास र समृद्धी खोजेको र त्यो कार्यभार पुरा गर्न गठबन्धनको लक्ष्य रहेकाले यसपटक जितमा कुनै संका नरहेको बताएका हुन् ।

सुदूरआजसंगको कुराकानीमा बोल्दै नेता भण्डारीले गठबन्धन दलका उम्मेद्धार धेरै मतान्तरले अगाडी रहेको भन्दै जित सुनिश्चित रहेको दाबी गरे । गत स्थानिय तहको निर्वाचनलाई आधार मान्ने हो भने पनि हामी १२ हजार मतले अगाडी छौँ उनले भने जितमा कुनै संका छैन् ।

शान्ति प्रक्रिया, संबिद्यानको निर्माण र रक्षा, देश विकास र संघियताको कार्यान्वयन गठबन्धन दलकै नेतृत्वमा सम्पन्न भएकोले पनि जनताले खुलेर मतदान गर्नेमा उनको बिश्वास छ । देश विकास र समृद्धी दलहरु मिलेर नै सम्भव हुनेभएकाले गठबन्धन पनि त्यहि भावना र मर्म अनुसार बनेको उनको भनाई छ ।

‘यसपटकको चुनाव सामान्य खालको नभई प्रतिगन र अग्रगमनका बिचको लडाई हो : केन्द्रीय सदस्य तिमिल्सैना

नेकपा माओवादी केन्द्रका केन्द्रीय सदस्य राम प्रसाद तिमिल्सैनाले चुनावको मिति नजिकिदैँ जाँदा जनतामा उत्साह देखिएको बताएका छन् । यसपटकको चुनावको पृष्ठभुमी सामान्य खालको नभई प्रतिगन र अग्रगमनका बिचको लडाई भएकाले क्षेत्र नं. २ का जनता गठबन्धनलाई जिताउन ४ गतेको प्रतिक्षामा रहेको उनको भनाई छ ।

यसपटक गठबन्धनका उम्मेद्धारलाई हार्ने छुट नभएको भन्दै जितलाई कुनै पनि ताकतले रोक्न नसक्ने उनको दाबी छ । यस अघि जितेकाहरु चुनाव पछि जनताका माझमा नजाने परम्परालाई तोड्दै गठबन्धनले सयूक्त समन्वय कमिटी बनाएर चुनाव पछि बेला बेलामा गाँउ जाने रणनिति बनाएकोले पनि गठबन्धनका उम्मेद्धारले बढी मत पाउने तिमिल्सैनाको बिश्वास छ ।

एक अर्को प्रसंगमा बोल्दै नेता तिमिल्सैना संबिधान माथि पटक पटक निर्मम प्रहार भएको कुरा जनताले राम्ररी बुझेका कारण गठबन्धनलाई जनताले जिताएरै छाड्ने दाबी गरे ।

जिल्लाका जनता परिर्वतनको पक्षमा छन् गठबन्धनको जित सुनिश्चत छ : केन्द्रीय सदस्य भण्डारी

नेकपा एकिकृत समाजवादीका केन्द्रीय सदस्य शंकर भण्डारीले घरदैलो भेटघाट चुनावी सभामा जाँदा अछाम जिल्लाका जनता परिर्वतनको पक्षमा देखिएकाले यसपटक गठबन्धनको जित सुनिश्चत भएको दाबी गरे । गठबन्धन दलले अछामको विकास गर्ने खाका सहितका योजना र प्रतिबद्धता अघि सारेका छन् त्यसैले पनि जनता गठबन्धनले जित्नुपर्छ भन्नेमा देखिएको उनले बताए ।

अछामका दुबै क्षेत्रको माहोल गठबन्धनका उम्मेद्धारको पक्षमा छन् उनले हामी १२ हजार भन्दा बढी मतान्तरले अघि छौँ जितमा कुनै संका छैन । केपी ओलीले एमाले पार्टीलाई आफ्नो कम्पनी जसरी चलाएको र जनताले ५ बर्षका लागि दिएको जनमतको कदर नगरी पटक पटक संसद बिघटन गरेका कारण पनि जनता एमाले देखि रुष्ट भएको दाबी गरे ।

यसअघिका निर्वाचन समेत गठबन्धनका दलहरु समिलित सरकारले सम्पन्न गरेको र आगामी निर्वाचन समेत गठबन्धको सरकारले नै सम्पन्न गराउन सफल भएको बताए । देश उख्खान टुक्काले नचल्लने भन्दै नेता भण्डारीले देश विकासको खाका पनि गठबन्धन दलहरु संगै रहेका कारण जति सुनिश्चित रहेको दाबी गरे ।