अछाम : रामारोशन गाउँपालिकाका प्रमुख प्रशासकीय अधिकतृ भण्डारीका अनुसार रामारोशन शैक्षिक सुधार अभियान शिक्षाको गुणस्तर सुधार्ने दिर्घकालिन अभिायन हो, बिद्यालय रहुञ्जेल यो चलिरहन्छ ।

रामारोशन गाँउपालिका सामुदायिक शिक्षाको गुणस्तरका हिसाबले देशकै नमुना नबन्दा सम्म अभियान चलिरहन्छ, हामी यसमा थाक्दैनौ र कत्ति पनि बिचलित हुदैनौँ अधिकृत भण्डारीले भने । आफ्ना बालबालिकाको भबिष्य बनाउने कुरामा कसैको नाई नास्ती हुदैन, यसमा सबैको साथ रहने अपेक्षा अधिकतृ भण्डारीले गरेका छन् । यो अभिायन सुरु भएपछि बिद्यालयमा मन छुने गरी सबैले बुझाउन सक्नुपर्छ ।

सामुदायिक बिद्यालय प्रति रामारोशनमा मात्रै होईन देशैभर भरोससा छैन, त्यसलाई चिर्न यो अभियान कोषेढुंगा सावित हुने सरोकारवालाको बुझाई रहेको रामारोशन स्थानिय तथा राजनितिक दलका नेता पूर्ण बहादुर बिकले बताए ।

अभियान सुरु भएपछि म पनि गएको छु, ‘नेता बिकले भने जुन जुन बिद्यालय र वडामा हामी गयौँ त्यसपछि बिद्यार्थीको उपस्थिती र नियमित दर बढेको छ, अभिायनको निरन्तरताका लागि सबै साथ, सहयोग र प्रतिबद्धता रहेको छ उनले भने ।’

रामारोशन गाँउपालिकाका प्रमुख प्रशासकिय अधिकृत राम बहादुर भण्डारी पालिकाबासी हुन् । प्रमुख प्रशासकीय अधिकृत भएपश्चात उनी ९ महिना पालिका बाहिर बसेपनि बाँकी समेत आफ्नै पालिकामा छन् । रामारोशन फर्किसकेपछि अधिकृत भण्डारीले यस अभियानमा आफै निरन्तर खटिएका छन् भने संगै पालिका अध्यक्ष मान बहादुर साँउद सहित अन्य जन प्रतिनिधीलाई समेत जिम्मेवार बनाउन भूमिका खेलेका छन् ।

भण्डारीले आफै बिद्यालयमा गएर शैक्षणिक बिधि समेत प्रर्दशन गरिरहेका छन् । उनको शैक्षिणिक कला बिद्यार्थीले समेत मन पराएका छन् । रामारोशन शैक्षिक रुपान्तरण अभियान थालिनीका प्रमुख व्यक्ती अधिकृत भण्डारी दाबी गर्छन की सम्भवत् नेपालकै दोश्रो ठाँउमा यो अभियानको थालनि भएको छ ।

यस्तै खालको अभियान कालिकोट जिल्लाको पँचाल झरना गाँउपालिकामा आफुले नै सुरुवात गरेको पँचाल झरना शैक्षिक सुरधार अभियान २०८० कार्यबिधी पारित गरेर निरन्तर चलिरहेको र दोश्रो पटक रामारोशनमा सुरु भएको अधिकृत भण्डारीको दाबी छ ।

स्थानियबासी भएकाले पनि राम्रो काम गरेर जाऔँ भन्ने छ अधिकृत भण्डारी भन्छन्, अभियानलाई संस्कारको रुपमा अगाडी बढाउने सोच छ । आफु अभियानकर्ता भएपनि यसको निरन्तरताको पक्षलाई बलियो पार्न शिक्षा शाखाका प्रमुख व्यक्तीलाई सम्पर्क व्यक्ती बनाईएको छ अधिकृत भण्डारी भन्छन् यसले निरन्तरता पाउनेमा ढुक्क छु ।

शिक्षा शाखा प्रमुख सहित कर्मचारीहरुको क्षमताको विकासमा समेत आफुले सहयोग गरिरहेको उनको भनाई छ । ७/८ बर्ष पछि यसले नतिजा दिन सक्ने गरि अभियानको थालनि गरेका छौँ अधिकृत भण्डारीले भने पछि यो चुनावी ऐजेण्डा समेत बन्न सक्नेछ । शिक्षा शाखा प्रमुखलाई जिम्मेवार बनाई नेतृत्व गर्न एक सरकारबाट अर्को सरकारलाई हस्तान्तरण गर्न सक्ने क्षमता विकास गरेर अघ बढ्ने योजना रहेको उनले सुनाए ।