६ बैशाख, रामारोशन ।

नेपाल विद्यार्थी संघ को ५१ औ स्थापना दिवसको अवसरमा नेविसंघ अछामले जिल्लाको रामारोशन गाउँपालिकामा खाद्यान्न बितरण गरेको छ ।

जिल्लामा लकडाउनको बेला समस्या परेका असाहय र अति विपन्न परिवारका विद्यार्थीहरु लाई राहत स्वरुप खाद्यान्न वितरण गरेको छ ।

रामारोशन गाउँपालिकाको सबै वडाका अप्ठ्यारोमा परेका ८ जना विद्यार्थीलाई शनिबार गाउँपालिकाको मुजाबगरमा १ सय २५ किलो चामल ८ किलो दाल ८ लिटर तेल १६ किलो नुन र साबुन वितरण गरेको नेविसंघ अछामका सदस्य पुष्प बिष्टले बताए ।

बिद्यार्थी नेता बिष्टका अनुसार सामाजिक दुरि कायम गरी राहत वितरण गरिएको छ ।

कार्यक्रममा नेपाली कांग्रेस महासमिति सदस्य अनुराधा स्वार रावल, कांग्रेस रामारोशनका सचिव पुर्ण बि क, नेपाल विद्यार्थी संघ जिल्ला सदस्य पुष्प बिष्ट, दल ब साउदको लगायतको सहभागीता रहेको थियो ।

नेविसंघ संघले विश्वभरि महामारीको रुपमा फैलिएको कोरोना भाइरस आफु पनि बाँच्न र अरुलाई पनि बचाउन सबैलाई सजग रहन अनुरोध गरेको छ ।

कोरोनाका कारण सामान्य जीवन जिउन अप्ठ्यारो परेकालाई नेविसंघले सहयोग गर्ने जिल्ला सदस्य बिष्टले बताए ।