काठमाडौं । विश्वका २१५ देशमा पछिल्लो २४ घण्टामा ९९ हजार ७३ कोरोना भाइरसका संक्रमित थपिएका छन् । अब विश्वभरमा कोरोना संक्रमितको संख्या ४६ लाख २१ हजार ८२ पुगेको छ । 

पछिल्लो २४ घण्टामा सबैभन्दा धेरै अमेरिकामा २६ हजार ३६८, रुसमा १० हजार ५९८, ब्राजिलमा १५ हजार ३०५ तथा बेतालयतमा ३ हजार ५६० कोरोना संक्रमित थपिएका छन् । 

हालसम्म संक्रमित मध्ये १७ लाख ५५ हजार १२ जना निको भएर घर फर्किसकेका छन् । २५ लाख ५७ हजार ९३९ संक्रमितको उपचार भइरहेको छ । यसमध्ये ४५ हजारको स्वास्थ्य अवस्था गम्भीर रहेको छ । 

कोरोना भाइरस (कोभिड–१९) का कारण विश्वभर ज्यान गुमाउनेको संख्या ३ लाख ८ हजार १३१ पुगेको छ । – बाह्रखरी