फाइल फोटो

हाेम साउद, अछाम ।

काेराेना संक्रमणकाे सम्भावित जाेखिमलाई मध्यनजर गर्दै मंगलसेन नगरपालिकाले ५८ जनालाई क्वारेन्टाइनमा राखेकाे छ । जेठ ५ देखि १२ गतेसम्म भारत लगायत काठमाडौं र कैलालीबाट अाएकाहरुलाई सम्वन्धित वडामा स्थापना गरिएको क्वारेन्टाइनमा राखिएको हाे ।

नगरपालिकाले यस अघिनै प्रत्येक वडामा आधारभुत पुर्वाधार भएका विद्यालयलाई क्वारेन्टाइन बनाउने निर्णय गरेकाे र आवश्यक ब्यवस्थापन गरेर बाहिरबाट अाउनेहरुलाई सुरक्षित राख्ने गरेकाे निमित्त प्रमुख प्रशासकीय अधिकृत खकेन्द्र बहादुर साेडारिले बताए।

साेडारिका अनुसार वडानम्वर ३ काे दय क्वारेन्टाइनमा ६ जना, अछाम बहुमुखी क्याम्पसमा १ जना, कृषि ज्ञान केन्द्रकाे भवनमा ५ जना, वडानम्वर ६ काे मालिका अाधारभुत विद्यालयकाे क्वारेन्टाइन २ जना, वडानम्वर ३ काे शिवनिवास अाधारभुत विद्यालयमा २३ जनालाई एकान्तबास राखिएको छ ।

यस्तै वडानम्वर ११ काे सरस्वती प्राविमा ८ जना, वडानम्वर ९ काे मंगला माविमा ५ जना, वडानम्वर १० काे कालिका माविमा ४ जना, वडानम्वर १२ काे कालिका प्राविमा १ जना र वडानम्वर १४ काे अन्नपूर्ण माविमा ३ जनालाई एकान्तवासमा राखिएको उहाले बताए ।

क्वारेन्टाइनमा बस्नेहरुका लागि खान, बस्न, लगायतका अाधारभूत कुराकाे ब्यवस्थापन नगरपालिकाले गरेको छ । भारतका विभिन्न सहरहरुमा अलपत्र परेका नगरपालिका भित्रका नागरिकहरुलाई उद्दार गरि नगरपालिकाले १४ वटै वडामा क्वारेन्टाइन बनाएर राख्ने ब्याव्था मिलाएकाे छ । याे अवधिमा ३ हजारभन्दा बढि नागरिकहरु भारतबाट अाउने अाकल गरेर त्यस अनुसारको ब्यवस्थापन गरिरहेकाे नगरप्रमुख पदमबहादुर बाेहराले बताए।

काेराेनाबाट अाफु सुरक्षित रहन र अरुलाई पनि सुरक्षित राख्नका लागि सरकारले ताेकेकाे मापदण्डअनुसार एकान्तवासमा बस्न बाेहराले अाग्रह गरे । यस्तै, मंगलसेन नगरपालिका वडानम्वर ४ काे बैठक विभिन्न निर्णय गर्दै सम्पन्न भएको छ ।

वडा अध्यक्ष पदम बहादुर धामिकाे अध्यक्षतामा भएको बैठकले राधा माविलाई ८६ बेडकाे क्वारेन्टाइन बनाएकाे छ । क्वारेन्टाइन ब्यावस्थापनका लागि २ जना स्वयंसेवक समेत छनाेट गरिएको छ । यस्तै बैठकले क्वारेन्टाइन अावश्यक सामानकाे लागि नगरपालिकामा अनुराेध गर्ने निर्णय गरिएकाे नगरपालिकाका स्टाेरकिपर नरेशबहादुर कठायतले बताए।