पूर्ण बहादुर खड्का, अछाम ।

अछाम जिल्लामा यति बेला कृषकहरु आफ्नो खेतबारीमा रोपाईमा बस्त भएका छन् । पानी लाग्ने र बेसी तिरका खेलबारीमा लगभग रोपाई सकिएका छन् भने बेसी भन्दा माथि तिरका खेतहरुमा रोपाई सुरु भएका छन् ।

देश अहिले कोरोना भाईरस (कोभिड–१९) का कारण लकडाउनको अवस्थामा छ । लकडाउनले शहर बजार सुनसान भएपनि गाँउघरको खेतबारीमा रोपाँईको रौनकको चहलपहल उस्तै छ ।

बर्खे खेतीपातीको समय भएकाले गाउँघरका खेतीबारीमा स्थानियकोचहलपहल बढेको छ । हिउँदे खेती भित्रयाएका किसानहरु अहिले रोपाई गर्न व्यस्त छन् ।

अछामका अधिकांश बेसी तिरका भुभागमा बैशाखको अन्तिम साताबाट नै अछाममा रोपाईको चटारो सुरु हुन्छ । मानो रोपेर मुरी उब्जाउने समय यहि भएको अछामका किसानहरु बताउछन् । जिल्लाको साँफेबगर लगायत सिँचाई सुबिधा पुगेका बेसी तिरका ठाउमा बैशाखको अन्तिमबाट नै रोपाई सकिए पनि माथिल्लो भागका खेतबारीमा रोपाँएको रौनक कायमै छ ।

कृषि ज्ञान केन्द्र अछामका अनुसार जिल्लामा करिव साढे १६ हजार हेक्टर क्षेत्रफलमा धानको खेती गरिन्छ । जिल्लाको कुल खेती योग्य जमिन ५६ हजार तीन सय ४७ हेक्टर रहेकोमा ४२ हजार चार सय १३ हेक्टर क्षेत्रफलमा अन्नबाली लगाउने गरिन्छ ।

तस्बिर सौजन्य : पुजा बुढा