‘नेपाल जेसिज बर्ष २०२१ : अध्यक्ष जेसी खनाल सहित बोर्डका पदाधिकारीद्धारा पदभार ग्रहण’
काठमाडौँ : नेपाल जेसिज बर्ष २०२१ का लागि नव निर्वाचित अध्यक्ष जेसी अरुणेश्वर खनालले पदभार ग्रहण गरेका छन् । अध्यक्ष निर्वाचित भएपछि खनालले पदभार संगै नेपाल जेसिजको बागडोर सम्हालेका छन् ।
भलवारी जेसिजको आथित्यता तथा नेपाल जेसिजको आयोजनामा भैरहवामा सम्पन्न ४७ औँ राष्ट्रिय महाधिबेशनबाट अध्यक्ष निर्वाचित भएसंगै जेसी खनालले पदभार ग्रहण गरेका हुन् ।
नेपाल जेसिजको आयोजनामा जेसिजको सचिवालय काठमाण्डौँमा भएको पदभार ग्रहण तथा अध्यक्ष पदको कुर्सी हस्तान्त्ररण समारोहमा अध्यक्ष संगै २०२१ को बोर्डले पदभार ग्रहण गरेको हो ।
अध्यक्ष खनाललाई निर्वातमा अध्यक्ष जेसिआई सिनेटर जेसी अशोक शंकरले राष्टिय अध्यक्षले प्रयोग गर्ने कुर्सीमा बसाल्दैँ माला लगाई दिएका थिए । अध्यक्षको पद सम्हालेसंगै जेसी खनालले बर्ष २०२१ लाई नेपाल जेसिजमै उत्कृष्ट बर्ष बनाउने उद्घोष गरेका छन् ।
यस्तै खनाल संगै बर्ष २०२१ का लागि निर्वाचित कार्यकारिणी उपाध्यक्ष, महासचिव, कानुनी सल्लाहकार, कोषाध्यक्ष तथा उपाध्यक्षहरुले पनि पदभार ग्रहण गरेका छन् ।
प्रतिक्रिया