“खड्का दोब्बर मतान्तरले बिजयी”

अछाम : अछाम जिल्ला निर्वाचन क्षेत्र न १ प्रदेस सभा (क) मा प्रदेश सभा सदस्यतर्फ नेपाली कांग्रेस सुदुरपश्चिम प्रदेशका महामन्त्री मेघराज खड्काले विजयी भएका छन् ।

प्रदेश १ अन्तर्गत साँफेबगर नगरपालिका र चौरपाटी गाउँपालिका का २१ वडा पर्दछन । साझा गठबन्धनका उम्मेदवार रहेका खड्का ५ हजार ८ सय ४० को मतान्तरले  विजयी भएका हुन्।  

जम्मा १९ हजार ६ सय मत गणना हुँदा सत्ता गठबन्धनका उम्मेद्वार रहेका खड्काले १२ हजार ३ सय ३७ प्राप्त गरेका छन भने  नेकपा एमालेका  देब बहादुर कुँवरले ६ हजार ४ सय ९७ मत पाएका छन ।   

सम्भावित मुख्यमन्त्री

राजनीतिमा आफ्नो छुट्टै छवि बनाउन सफल खड्कालाई भावि मुख्यमन्त्रीको रुपमा समेत हेरिएको छ। कांग्रेसको नेतृत्वमा प्रदेश सरकार निर्माण हुँदा खड्काले जितेमा उनी मुख्यमन्त्री हुने सम्भावना पनि बलियो देखिन्छ।