अर्थ

पाँच महिनामा चार खर्ब ८० अर्ब विप्रेषण भित्रियो

काठमाडौँ– चालु आर्थिक वर्षको मङ्सिर मसान्तसम्म चार खर्ब ८० अर्ब ५० करोड बराबरको विप्रेषण भित्रिएको छ । नेपाल राष्ट्र बैंकले आज सार्वजनिक गरेको चालु आवको पाँच महिनाको विवरणअनुसार समीक्षा अवधिमा विप्रेषण आप्रवाह २३ प्रतिशतले वृद्धि भएको हो। अघिल्लो वर्षको सोही अवधिमा विप्रेषण आप्रवाह छ दशमलव तीन प्रतिशतले घटेको थियो ।

अमेरिकी डलरमा विप्रेषण आप्रवाह १३ दशमलव एक प्रतिशतले वृद्धि भई तीन अर्ब ७१ करोड पुगेको छ । अघिल्लो वर्ष यस्तो आप्रवाह छ दशमलव आठ प्रतिशतले घटेको थियो । समीक्षा अवधिमा खुद ट्रान्सफर २१ दशमलव छ प्रतिशतले वृद्धि भई पाँच खर्ब ३० अर्ब छ करोड पुगेको छ ।

अघिल्लो वर्षको सोही अवधिमा यस्तो ट्रान्सफर पाँच दशमलव तीन प्रतिशतले घटेको थियो । खबरहब

प्रतिक्रिया दिनुहोस !

सम्बन्धित खबरहरु

रवि लामिछानेको सांसद पद खारेज
आजबाट कहाँ – कहाँ छ वर्षा र हिमपातको सम्भावना ?
प्रधानमन्त्रीलाई दिएको विश्वासको मत फिर्ता लिनुपर्ने कांग्रेसभित्र माग
नेपालका दुई युवाको भारतमा अपहरणपछि हत्या, शव नेपाल ल्याइँदै