साँफेबगरमा पालिका स्तरिय भलिबल प्रतियोगिता हुदैँ, प्रथम पूरुस्कार २ लाख १ सय ११
अछाम । जिल्लाको मुख्य व्यापारिक केन्द्र साँफेबगरमा पुरुष भलिबल प्रतियोगिता हुने भएको छ । यहि माघ २४ गतेदेखि हुन गईरहेको पाँचौँ साँफेबगर महोत्सवको अवसर पारी परुष भलिबल प्रतियोगिता सञ्चालन हुन लागेको हो ।
प्रतियोगितामा अछाम जिल्लाका दशवटै पालिकाले सहभागिता जनाउन सक्नेछन् भने उनिहरुले आफ्नो टिममा ३ जना राष्टिय खेलाडी जिल्ला बाहिरको भएपनि समाबेश गर्न पाउने आयोजकले जनाएको छ ।
माघ २४ गते साँझ ५ बजे भित्र टिम दर्ता गराईसक्नुपर्ने र टिम दर्ता शुल्क ८ हजार १ सय ११ रहेको आयोजकका भलिबल संयोजक चेतमान बिक्रम शाहले जानकारी दिए ।
प्रतियोगितामा प्रथम हुने टिमले २ लाख १ सय ११, द्धितिय हुने टिमले १ लाख १ सय ११, तृतिय हुने टिमले ५० हजार १ सय ११ र सान्तवना पुरुस्कार १० हजार १ सय ११ नगद, मेडल र प्रमाणपत्र प्राप्त गर्ने संयोजक शाहले बताए ।
स्थानिय उत्पादन, कला, संस्कृती तथा पर्यटन प्रर्वद्धन गर्ने उद्देश्यका साथ साँफेबगरमा माघ २४ गते देखि पाँचौँ साँफेबगर २०७९ संचालन हुदैँछ ।
