अछाम : अछाम जिल्लाको बयालपाटा अस्पतालमा २ महिने (मध्य स्तरको अभ्यास) एमएलपी तालिम सुरु भएको छ । नयाँ पाठ्यक्रममा आधारित तालिम नेपालमै पहिलोे पटक बयालपाटा अस्पतालमा सुरु भएको हो ।

नयाँ पाठ्यक्रमको पहिलो तथा एमएलपी निरन्तरताको २४ औँ ब्याचका रुपमा बयलापाटा अस्पतालमा तालिम सुरु भएको स्वास्थ्य तालिम केन्द्र धननगढीका स्वास्थ्य शिक्षा प्राविधिक हरिष बहादुर चन्दले बताए ।

स्वास्थ्य तालिम केन्द्र सुदूरपश्चिम प्रदेश धनगढी कैलालीको आर्थिक सहयोग, निक साईमन ईन्सिच्युटसंगको सहकार्यत तथा बयालपाटा अस्पतालको व्यावस्थापनमा तालिम सुरु भएको र यसपछि सेती अस्पतालमा समेत तालिम सञ्चालन गरिने उनले बताए ।

पारामेडिक्स्हरुको दक्षता बृद्धिका लागि तयार पारिएको तालिम देशका अन्य प्रदेशमा समेत सञ्चालन हुनेभएपनि नयाँ पाठ्यक्रमको तालिम भने पहिलो पटक सोमबार बयालपाटा अस्पतालबाट सुरु भएको चन्दले बताए ।

सरकारी स्वास्थ्य सेवामा रहेका एचए तथा सिएमहरुको स्वास्थ्य दक्षता बृद्धि गरी नागरिकलाई गुणस्तरिय स्वास्थ्य सेवा दिने उद्देश्यले एमएलपी तालिम सञ्चालन भईरहेको छ । यसअघि बयालपाटा अस्पतालमा एमएलपि तालिमका २३ औँ ब्याच सम्पन्न भईसकेका छन ।

बयालपाटा अस्पतालका शल्यचिकित्शा निर्देशक डा. मन्दिप पाठकको अध्यक्षतामा कार्यक्रम गरी तालिको सुरुवात गरिएको हो । कार्यक्रममा स्वास्थ्य तालिम केन्द्र धननगढीका स्वास्थ्य शिक्षा प्राविधिक हरिष बहादुर चन्द, निक साईमन ईसिच्युटका तालिम अधिकृत अर्चना बोहरा, डाक्टर अतुल भारद्धाज, प्रशिक्षक तथा प्रशिक्षार्थीहरुको सहभागीता रहेको थियो ।