बाजुरा जिल्लाका अधिकांश बजारहरुमा म्याद नाँघेका खाद्य बस्तुहरु बिक्रि हुने गरेका पाइएका छन् । घरेलु विकास समित बाजुराको नेतृत्वमा गरिएको अनुगमनका क्रममा ती बस्तुहरु फेला परेको अनुगमन टोलीका सदस्य कोष लेखा नियन्त्रण कार्यलयका लेखापाल धन बहादुर थापाले बताउनु भयो ।

लकडाउनका समयमा कालोबजारी बढेको जनगुनासो आएपछि बजार अनुगमन गरिएको थियो । अनुगमनमा म्याद नागेका खाद्य बस्तुहरु फेला पारेर नष्ट गरेको घरेलु तथा साना विकास समितका प्रमुख मान बहादुर चाटले बताउनु भयो ।

अनुगमनबाट पिठो, चाउचाउ, बिस्कुट, सेन्चुरी मसला, चनाको पिठो, तेल, पेय पर्दाथ चक्लेट लगाएतका सामाग्री बरामद गरिएको टोलीले जनाएको छ । पिठोमा किरा समेत परेको पाइएको छ । प्रायः सामानमा म्याद नाघेका र केही सामानमा धुसी समते लागेका अनुगमन टोलीले जनाएको छ ।