बिक्रम परियार, अछाम

बैदेशिक रोजगारको शिलशिलामा रहेका साँफेबगर नगरपालिका वडा नम्बर ९ का युवा कृष्णजँग कुवर स्वदेश तथा बिदेशमा अलपत्र परेका नेपालिलाई राहत जुटाउन आर्थिक सहयोगमा लागि परेका छन ।

बैदेशिक रोजगारको शिलशिलामा पोर्जुगलमा होटेलमा कार्यरत युवा समाजसेबि कुवर भारत तथा नेपालमा सहयोगार्थ स्थापना गरिएका कोष मार्फत राहत रकम आर्थिक रुपमा उपलब्ध गराईरहेका छन । सुदुरपश्चिम प्रदेश सभा सदस्य हर्क बहादुर कुवर गोबिन्दका छोरा समेत रहेका कुवरका ३ भाई मिलेर बिदेशबाटै आर्थिक सहयोग पठाईरहेका छन ।

सुदुरपश्चीमेली समाज पोर्चुगलका सदस्य रहेका कुवरका १ भाई अष्ट्रेलिया रहेका ब्याबसायि किशोर कुवर र अर्का अमेरिकामा रहेका एरोनिटिकल ईञ्जिनियर दिपेन्द्र कुवरगरि ३ भाईले बिदेशबाटै ब्यक्तिगत रुपमा प्रबासि नेपाली संघ भारत महाराष्ट्र तथा गुजरात, अछाम काठमाण्डौँ सम्पर्क मंञ्च, मेल्लेख गाउपालिकाको भारतमा स्थापना भएको राहत कोष तथा साफेबगर नगरपालिका वडा नम्बर ९ बुढाकोटको राहत कोषमा गरि ६८ हजार ५ सय ५६ रुपैया आर्थिक रकम कोष मार्फत सहयोग गरिएको छ ।

जसमा प्रबासि नेपाली संघ भारत महाराष्ट्र तथा गुजरातको कोषमा १४ हजार ३ सय ९६, प्रबासि नेपाली संघ भारतकै कोषमा १३ हजार ७ सय, अछाम काठमाण्डौँ सम्पर्क मंञ्चमा ६ हजार ७ सय १०, मेल्लेख गाउपालिका मुम्बई राहत कोषमा ४ हजार र साफेबगर नगरपालिका वडा नम्बर ९ बुढाकोटको राहतकोषमा २९ हजार ७ सय ५० सहयोग गरिएको कुवरले बताउनु भयो ।