अछाम – अछाम जिल्लामा नेपाल टेलिकमको एडिएसल सेवा अबरुद्ध भएको छ । सेवा अबरुद्ध भएको हप्ता दिन हुनै लाग्दा समेत टेलिफोन र एडिएसल इन्टरनेट सेवा सुचारु हुन सकेको छैन् ।

जेष्ठ १४ गते दिउँसो आएको हावाहुरीका कारण जिल्लाको मार्कुमा बिधुतको पोल ढल्दा सङ्गै रहेको टेलिकमको अप्टीकल फाईबर पनि चडिएको थियो ।

आईतबार बिहान सम्म अप्टीकल फाईबर मर्मतको काम नभएको पाईएको छ । यता जिल्ला टेलिकममा यस बारे जानकारी लिदाँ अत्तरियाबाट प्राबिधिकको टोलि अछामको लागि हिडिसकेको आईतबार बेलुका सम्म मर्मत भईसक्ने जनाईएको छ ।

नेपाल टेलिकम अछामका प्रमुख खड्क धामीका अनुसार नेपाल टेलिकमले प्राविधिक क्षेत्र मर्मत सम्भारको जिम्मा प्राईभेट क्षेत्रलाई दिईएको हुँदा लकडाउनका कारण सवारी समस्याले ढिलो हुन गएको हो ।

अबरुद्ध सेवा सुचारु नहुदाँ जिल्ला कार्यालय, संचारगृह, सञ्चारकर्मी मारमा परेका छन् ।
यसका साथै दैनिकजसो ईनटरनेट प्रयोगकर्ताहरु अप्ठ्यारोमा परेका छन् ।