काठमाडौं- तिब्र गतिमा फैलिएको कोरोना भाइरसबाट संक्रमित भएकामध्ये ५४ हजार ५ सयभन्दा धेरैको अवस्था गम्भीर बनेको छ ।

८१ लाख ५५ हजारभन्दा बढि संक्रमित भएकोमा हाल ३५ लाख उपचाररत रहेका छन् । त्यसमध्ये ५४ हजार ५ सयभन्दा धेरैको अवस्था गम्भीर रहकेको विश्व स्वास्थ्य संगठन डब्लुएचओले जनाएको छ ।

गम्भीर अवस्थामा उपचार रहेकाहरु सबैभन्दा बढि अमेरिकामा रहेका छन् । जहाँ १६ हजार ६ सय ९५ जनाको अवस्था जटिल छ । यस्तै भारतमा ८ हजार ९ सय ४४ जनाको अवस्था चिन्ताजनक छ ।

त्यस्तै ब्राजिलमा ८ हजार ३ सय १८, इरानमा २ हजार ८ सय १५, रुसमा २ हजार ३ सय, क्यानडामा १ हजार ९ सय ७१, साउदी अरबमा १ हजार ८ सय ९७, चिलीमा १ हजार ७ सय २७, पेरुमा १ हजार १ सय २१ जनाको अवस्था गम्भीर रहेको वर्डओमिटरमा उल्लेख छ ।

जोन हपकिन्स विश्वविद्यालयका अनुसार कोरोनाबाट अहिलेसम्म ८१ लाख ५५ हजारभन्दा बढि व्यक्ति संक्रमित भएका छन् भने ४ लाख ४१ हजार ५ सय ५ जनाको मृत्यु भएको छ ।

अहिलेसम्म कोरोना संक्रमित भएकामध्ये ३९ लाख ५५ हजार १ सय ६९ जना उपचारपछि निको भएर घर फर्किएका छन् ।