अछाम – आड्रा नेपाल अछामले जिल्लाका विभिन्न स्वास्थ्य संस्थालाई सरसफाई सामग्री हस्तान्तरण गरेको छ । कोरोना भाईरस (कोभिड–१९) संक्रमित महिलाका लागि सामग्री हस्तान्तरण गरिएको हो ।

जिल्लाका साँफेबगर, मंगलसैन, विनायक, कमलबजार नगरपालिका तथा जिल्ला अस्पतालमा डिग्निटि किट र मास्क हस्तान्तरण गरिएको छ । कोरोना संक्रमित भई आईसोलेशनमा रहेका महिलाका लागि प्रत्येक स्थानीय तह तथा जिल्ला अस्पतालाई १० थान डिग्निटी किट तथा ५ सय थान बढी मास्क प्रदान गरिएको आड्रा नेपाल अछामका कार्यालय प्रमुख तृष्णा दाहलले जानकारी दिए।

जिल्ला अस्पताललाई १० थान डिग्निटी किट र ७ सय थान मास्क प्रदान गरिएको छ भने जिल्ला स्वास्थ्इ कार्यालयलाई मास्क वितरण गरिएको छ । जिल्ला अस्पताल अछामका निमित्त मेडिकल सुपरिडेन्टेन्ट डाक्टर मनोज बिष्ट, जिल्ला स्वास्थ्य कार्यालय अछामका प्रमुख झनकराज ढुंगाना, नसिंङ निरिक्षक गंगा बुढामगरको उपस्थितिमा सामग्री प्रदान गरिएको छ ।

सामग्री संस्थाको उद्देश्य अनुसार कोरोना संक्रमित महिलालाई प्रदान गरिने निमित्त मेडिकल सुपरिटेन्डेन्ट डाक्टर बिष्टले बताए । सामग्रीबाट महिलालाई सहयोग पुग्ने उनको भनाई छ । अहिले जिल्ला अस्पतालाको आईसोलेशनमा संक्रमित महिला नरहेका र अब आउने व्यक्तिलाई सामग्री प्रदान गरिने भएको छ ।

डिग्निटी किटमा बाल्टी, म्यक्सी, सेनिटरी प्याड, कट्टु, कोलगेट, ब्रस, साबुन, लाईट, डिटरजेन्ट पाउडर, नलकटर, तौलिया, सेनिटाईजर, मास्क, लगायतका सामग्री रहेका छन् । यस्तै जिल्ला अस्पताल र स्वास्थ्य कार्यालयको लागि मास्क समेत प्रदान गरिएको छ ।

जिल्ला अस्पतालमा सामग्री दिईसकिएको र अन्य स्थानीय तहमा तत्कालै सामग्री दिईने आड्रा नेपाल अछामका कार्यालय प्रमुख दाहलले जानकारी दिए । आफ्नो संस्थाले महिलाको क्षेत्रमा काम गरिरहेकाले उनीहरुको समस्यालाई मध्येनजर गर्दै सामग्री प्रदान गरिएको जनाईएको छ ।