अछाम : नेपाली कांग्रेस अछामको जिल्ला उपसभापती पदका लागि युवा नेता ललित कुवँरले उम्मेद्धारी घोषणा गरेका छन् ।

किसान संघ अछामका अध्यक्ष समेत रहेका नेता कुवँरले पार्टी संगठनलाई बलियो र चलायमान बनाउन उपसभापती पदमा उम्मेद्धारी दिने घोषणा गरे ।

नेपाली कांग्रेस अछामलाई जिल्लामा बलियो पार्टी बनाउन युवा र परिपक्क नेताहरुको सयुक्त समिती आउन जरुरी रहेको भन्दै आफुले उपसभापती पदमा उम्मेद्धारी दिने निर्णय गरेको नेता कुवँरले सुदूरआजलाई बताए ।

२०६२/०६३ को जनआन्दोलन देखि नै जिल्लामा कांग्रेसको संगठन बनाउन देखि नेता कार्यकर्ता संग अछामका दुबै क्षेत्रमा खटेर संगठन निर्माण गर्न भुमिका निर्वाह गरेको नेता कार्यकर्ताको बुझाई छ ।

नेपाली कांग्रेस अछामको जिल्ला अधिबेशन यहि फागुन १३ गते हुने भएको छ ।