अछाम । नेपाली कांग्रेस जिल्ला कार्य समिति अछामको पहिलो बैठक बुधबार मंगलसनेमा सम्पन्न भएको छ । ७ औँ जिल्ला अधिबेशनबाट निर्वाचित समितिको पहिलो बैठक बिपी स्मृती भवन मंगलसेनमा सम्पन्न भएको हो ।

जिल्ला पार्टी सभापति पुष्प बहादुर शाहको सभापतित्वमा भएको बैठकले १४ औँ महाधिवेशन अन्र्तगत जिल्लाको ७ औँ जिल्ला अधिवेशन सम्पन्न गर्न सहयोग गर्ने सबैलाई धन्यवाद ज्ञापन गर्ने निर्णय गरेको नवर्निवाचित जिल्ला समिती सदस्य जनकराज भण्डारीले जानकारी दिए ।

जिल्ला अधिबेश सम्पन्न गर्न सहयोग गर्ने पूर्व सभापति भरत कुमार स्वार, केन्द्रिय सदस्य गोविन्द बहादुर शाह, सुदूरपश्चिम प्रदेश महामन्त्री मेघराज खड्का, सह महामन्त्री अम्बिका चलाउने, प्रदेश सदस्यलाई धन्यवाद ज्ञापन गरेको छ ।

यस्तै जिल्ला निर्वाचन मुख्य अधिकृत हसिना प्रधान, सुरक्षाकर्मी, संचार जगत, पार्टीका भातृ संघसंगठन, पार्टीका सबै तहका कार्यसमिति, सुवेछुक संस्था, सरकारी तथा गैह्र सरकारी संस्था सबै स्थानिय तह र क्षेत्रका राष्ट्रसेवक कर्मचारी, मतदाता क्षेत्रीय प्रतिनिधि, होटल व्यावसायी लगायत लाई पार्टीको पहिलो बैठकले धन्यवाद ज्ञापन गर्ने निर्णय गरेको हो ।

बैठकमा निवर्तमान पार्टी सभापति भरत कुमार स्वार, क्षेत्र नं. २ क्षेत्रीय सभापति पुष्प शर्मा लगायत निर्वाचित पदाधिकारी र सदस्यहरुको सहभागीता रहेको थियो । बैठकको संचालन पार्टी सचिव टक्कर बहादुर शाहले गरेका जिल्ला सदस्य जनकराज भण्डारीले जानकारी दिए ।