अछाम नेपाली काँग्रेस पञ्चदेवल नगरकार्य समितिले `घर घर जाअाैँ काँग्रेस जिताअाैँ अभियानलाई तिब्रता दिएको छ । जस अन्तर्गत नगरका ९ वटै वडामा वडा कार्य समितिका सभापतिहरूको संयाेजकत्वमा नेता तथा कार्यकर्ताहरु घर घरमा पुगिरहेका छन ।

अासन्न स्थानीय तहको निर्वाचन लाई लक्षित गरि अाम नागरिकका समस्या पहिचान गरि समाधानको प्रयासका लागि नेपाली काँग्रेस केन्द्रीय कार्यसमितिले एक महिने अभियान सञ्चालन गरेकाे हाे । केन्द्रीय कार्यसमितिको निर्णय अनुसार पञ्चदेवल नगरपालिकामा पनि काँग्रेसका सबै नेता तथा कार्यकर्ताहरु जनताको घरघरमा पुगिरहेकाे नगरकार्य समिति सचिव प्रजापति जैसीले जानकारी दिए ।

शनिवार बाट वडा नम्बर ५ लयाँटी वडा कार्य समितिका सभापति राम बहादुर बुढाको संयोजकत्वमा नेपाली काँग्रेस पुर्व जिल्ला कार्य समिति सचिव वीर बहादुर शाही, नेपाली काँग्रेस प्रदेश प्रतिनिधि तथा वडा नम्बर ५ लयाँटीका वडा अध्यक्ष कुल बहादुर बुढा, तत्कालीन लयाँटी गाविसका अध्यक्ष बल बहादुर शाही,नेपाल प्रेस युनियन अछामका सहसचिव दिनेश केशी लगायत नेता कार्यकर्ताहरु तत्कालीन लयाँटी गाविसका सम्पुर्ण वडाहरुमा घर-घर पुगि काँग्रेस जिताअाैँ अभियानमा जुटिरहेका छन ।