अछाम । जिल्लाको साँफेबगर नगरपालिका वडा नं। ६ भागेश्वरमा एक जनाको स्वतन्त्र उम्मेद्धारी परेको छ । नेकपा एमाले निकट रहेका मिन बहादुर बोहराले पार्टीबाट टिकट नपाए पछि स्वतन्त्र रुपमा उम्मेद्धारी दिएका छन् ।

बिगत दुई दशक देखि पार्टीको राजनितिमा सक्रिय हरेको बोहरालाई पार्टीले टिकट नदिएपछि स्वतन्त्र उम्मेद्धारी दिएको बताए । बाहराले आफु अध्यक्ष संगै ४ जना सदस्य पदमा समेत स्वतन्त्र उम्मेद्धारको प्यानल नै बनाएर चुनावी मैदानमा उत्रिएका छन् ।

पार्टीको हरेक काममा सक्रिय भएर लागेको भएपनि पार्टीले आफुलाई उपेक्षा गरेकाले स्वतन्त्र उम्मेद्धारी दिएको उनले बताए ।
आफुले वडामा विकास निर्माण देखि अन्य सबै क्षेत्रमा योग्दान दिदैँ आएको भएपनि पार्टीले त्यसको सही मुल्यांकन नगरेको उनको आरोप छ ।

नेकपा एमालेको वडा सदस्य हुदै उप–सचिब , सचिब र अध्यक्ष समेत भएर उनले काम गरिसकेका छन् । आफुले न्यायपूर्ण निर्णय खोजेको थिंँए त्यसो हुन नसक्दा स्वतन्त्र भएर पनि वडामा चुनाव जितेर जनताको सेवा गर्ने उनको भनाई छ । आफु पार्टीको विरुद्धमा नभई अनुचित निर्णयको खिलाप उभिएको उनले बताए ।

वडामा थुप्रै समस्याहरु छन उम्मेद्धार बोहराले भने ति समस्या समाधान गर्न वडाबासीले आफुलाई मत दिने उनको भनाई छ । वडाको बिकासको लागि र वडा बासीहरुलाइ खुसि बनाउन निमित्त जुन कुरा आवश्कता छ, त्यो कार्यान्वयनको लागि आफु लाग्ने उनले बताए ।

जनतालाई बिकास र समृद्धि चाहिएको छ उनले भने हाम्रो वडामा शिक्षा, स्वास्थ्य, पानीको व्यवस्थापन, कृषि, खेलकुद, महिला तथा बालबालिका जस्ता विभन्न क्षेत्रहरुमा आजको दिनसम्म पनि कुनै परिवर्तन आउन सकेको छैन म यी बिबिध समस्याहरुको समाधान गर्न लाग्नेछु ।

भागेश्वर बासीहरुले कर्ममुखी, गतिशील र सशक्त नेतृत्व खोजिरहेकोले आफुले उमेदवारी दिएको उनले बताए । वडाका दलित समुदायका साथै बिपन्न बर्गहरुको उन्थानको निमित्त पनि आफ्नो उमेदारी रहेको बोहराको भनाई छ ।

स्वतन्त्र उम्मेद्धार बोहरा राष्टिय खेलाडी हुदैँ जिल्ला खेलकुद विकास समिती अछामको अध्यक्ष भएर समेत काम गरेका छन् भने उनले वडामा कोल्ड स्टोर बनाउनको लागि ३ रोपनी जग्गा समेत दान गरेका छन् ।

स्वतन्त्र उम्मेद्धार बोहरा एमालेका तत्कालिन वडा कमिटिका अध्यक्ष पनि हुन् । साँफेबगर ६ भागेश्वर एमालेका नेता पूर्व उपप्रधान तथा गृह मन्त्री भिम रावलको वडा हो । यस वडामा स्वतन्त्र रुपमा उम्मेद्धारी परेको पहिलो पटक हो ।

भागेश्वरमा गठबन्धनबाट समाजवादीका शंकर बिष्ट र एमालेबाट दुधकला बिष्ट पनि वडाध्यक्षका उम्मेद्धार हुन् ।